Рухани жетекші армияның әскери университетінің түлектері алдында сөз сөйледі
Иран ислам республикасы күштерінің Бас қолбасшысы қарулы күштердің сенім, ғылыми және тәртіп жағынан дайын болуы мен қасиетті қорғаныс тәжірибелерін жас күштерге жеткізуі қажеттігін қуаттады.
Қарулы күштердің Бас қолбасшысы хазірет аятолла Хаменеи Иран армиясы әскери университет түлектерінің ант қабылдау рәсімінде: «Ислам республикасының қарулы күштері әрдайым дайын болып, қажетті кезде өз рөлін жақсы атқаруы керек.
Бүгінде Иран халқы ислам, тәуелсіздік және өздерінің асқақ құндылықтарынан бас тартпауына байланысты дұшпандардың кең- ауқымды майдан ашуына тап болып отыр. Қасиетті қорғаныс кезеңі қиын сынақ болды. Онда Иран ислам республикасы армиясының болмысы көрініс тауып, осы орган күштерінің қолымен үлкен шаруалар атқарылды.
Сегіз жылдық басқыншылық соғыс, шын мәнінде халықаралық соғыс және ірі алпауыттар мен олардың әлемдік және аймақтық одақтастарының шекараларға, болмысқа, құндылықтарға ислам жүйесіне және Иран халқының революциясына жасаған жан- жақты шабуылы болды» деп мәлімдеді.
Хазірет аятолла Хаменеи Иран қарулы күштерінің университеттеріндегі зәру шаралардың бірін қасиетті қорғаныс кезеңімен танысу және сол жағдайды жас күштерге баяндау деп атап: «Бүгінде бүкіл әлем: дос пен дұшпан Иран халқы мен исламдық жүйенің ұлылығын, парасаттылығын, батырлығы мен айбындылығын мойындап отыр» деді.
Қарулы күштердің Бас қолбасшысы сондай- ақ Иран ислам республикасы армиясының сардарлары мен қолбасшыларының жанкештіліктері мен жанпидалықтарын дәріптеп, алаңдағы бөлімшелердің парадын тамашалады.
