Ғасеми: Трампты бағалау үшін уақыт керек
Иран СІМ-нің ақпарат хатшысы Американың жаңа президентінің исламға үрке қарау жөніндегі мәлімдемесін сараптауды кейінге қалдырды.
Иран СІМ- нің ақпарат хатшысы Бахрам Ғасеми дүйсенбі күні отандық және шетелдік тілшілермен өткізген ақпарат отырысында сыртқа хабар тарату бөлімі тілшісінің Американың жаңа президенті Дональд Трамптың исламға үрке қарау жөніндегі мәлімдемесі туралы қойған сұрағына: «Трамптың үкіметін насихаттық науқан кезінде үкіметінің тұрғылары мен саясаты анық болған Американың бұрынғы президенттері секілді әзірше нақты бағалауға болмайды» деді.
Иранның дипломатиялық аппаратының ақпарат хатшысы сондай-ақ Астана келіссөздерінің күн тәртібі және Иран, Ресей мен Түркияның қарсылас топтарды үкіметпен сұхбаттасуға бейімдеуі туралы: «Келісөздер бақылаушы үш елдің атсалысуымен басқарылады» деді.
Иран СІМ- нің ақпарат хатшысы атысты тоқтатуды тұрақтандыруды Астана келіссөздерінің бірінші басты бағдары деп қуаттап: «Осы отырыстың маңызды ерекшелігі – осы іске шектеулі елдердің ғана кірісіп отырғанында. Аймақтағы үш маңызды ел – Иран, Ресей және Түркия осы келіссөздердің бастамашысы болып табылады» деді.
Ғасеми Бахрейн Сыртқы істер министрі тарапынан ұсынылған Араб Одағында Иранға қарсы тұрақты комитеттің құрылуы туралы: «Бахрейн ішкі дағдарысқа тап болып отыр. Халифе әулетінің режимі қоғамдық пікірді осы мәселеден ауытқыту үшін шетелдік жау қалыптастыруды көздейді» деді.
