Қашқави: Трамптың шешіміне дәл солай жауап қайтарамыз
Иран СІМ-нің консулдық, мәжіліс және шетелдердегі ирандықтар ісі жөніндегі бөлімінің орынбасары жексенбі күні кешке АҚШ президентінің ирандық азаматтардың бұл елдің аумағына кіруін шектеуге байланысты әрекетіне реакция білдіріп, АҚШ үкіметінің бұл әрекетіне дәл солай жауап қайтаратындықтарын мәлімдеді.
Иран Телерадио бірлестігінің хабарлауы бойынша, Хасан Қашқави Иранның бірінші арнасына берген сұхбатында: «АҚШ-тың жаңадан сайланған президенті Дональд Трамптың бұл әрекеті Халықаралық құқықтарға қайшы келеді. Теһран бұл мәселенің шешілуін әлемдік қауымдастық деңгейінде қадағалайды»,- деп мәлімдеді.
Иран СІМ-нің консулдық, мәжіліс және шетелдердегі ирандықтар ісі жөніндегі бөлімінің орынбасары ирандықтардың АҚШ қоғамының білімді мүшелері екенін баса айтып: «АҚШ-тағы ирандық азаматтар мен студенттердің жағдайын қарастыру мақсатында Иран СІМ-інде Денсаулық сақтау және медициналық білім беру министрілігі, Ғылым, зерттеу және технологиялар министрлігі мен Полиция басқармасы өкілдерінен тұратын арнайы штаб құрылды»,- деді.
Қашқави АҚШ визасының ирандық азаматтарға сол елдің заңдарына сәйкес берілетінін айтып: «Иранның әлемдегі барлық өкілдіктеріне АҚШ үкіметінің ирандық азаматтарға бұл елге кіруін шектеу әрекетіне байланысты дәл солай жауап қайтару жария етілді»,-деді.
