Трамптың жаңа бұйрықтары адам құқығы негіздеріне қайшы
Иранның Жоғарғы Соты АҚШ Президентінің өз еліне мұсылмандардың келуіне тыйым салу туралы жаңа бұйрығын теңгерімсіз, адамгершілікке жат және адам құқығы негіздеріне қайшы әрекет деп бағалады.
Иранның Жоғарғы Соты аятолла Садық Амоли Лариджани дүйсенбі күні Жоғарғы сот басшыларының отырысында: «АҚШ басшылары көбінде өздерінің билеп-төстеуші әрекеттерін адам құқығын қорғаушы сынды көрсетпек болғанымен, бүгін өз жүзін әшкереледі. АҚШ Президентінің бұйрығы Исламнан үркіту ағымын арттырып, ахлақ пен адамгершілік негіздеріне қайшы келеді»,- деді.
Амоли Лариджани исламдық мемлекеттердің АҚШ-тың соңғы шешіміне қатаң жауап қайтару қажеттігін қуаттап: «АҚШ Президентінің ызасына іліккен Иран, Сирия, Ирак пен Йемен АҚШ-тың лаңкестерді қолдау саясатының құрбандары болып отыр»,- деді. Амоли Лариджани ИИР-ның әрқашан лаңкестікпен күресудің алғашқы шебінде тұрғанына тоқталып: «Иранның Ислам революциясының жеңісінен 38 жыл өткенімен бұл елді достары мен дұшпандары аймақтың ең үлкен алпауыты ретінде мойындайды. Иманы мен Ислам революциясының жеңісінен туындаған ИИР-ның ықпалы билеп-төстеуші мемлекеттерді алаңдатып отыр»,- деп қуаттады.
