Иранның темір жолын Ауғанстанға қосу туралы келісімге қол қойылды
(last modified Mon, 24 Jul 2017 01:45:40 GMT )
Шіл 24, 2017 07:45 Asia/Almaty
  • Иранның темір жолын Ауғанстанға қосу туралы келісімге қол қойылды

Иранның темір жолын Ауғанстанға қосу туралы қорытынды келісімге Теһранда ИИР Темір жолдарының бас директоры мен Ауғанстан Темір жолдары компаниясының директоры қол қойды.

ИИР Темір жолдарының  бас директоры Саид Мұхаммадзаде мен Ауғанстан Темір жолдары компаниясының директоры Мұхаммад Яма Шамс жексенбі күні қол қойған ынтымақтастық келісіміне сәйкес, 2017 жылдың тамыз айының басына дейін екі елдің темір жолдары бір-біріне қосылатын болады.

Сонымен қатар, осы келісімге сәйкес, Иран мен Ауғанстан Хаф-Герат темір жолының үшінші және төртінші бөліктерінің құрылысында көбірек талпыныс жасап, жақын арада екі ел арасында жүк тасымалдаушы бірінші пойыз жүріп өтетін

ИИР Темір жолдарының бас директоры  осы келісімге қол қою рәсімдерінде ұзындығы 60 шақырымнан асатын Хаф-Герат темір жолының Ирандағы үшінші бөлігінің құрылыс жұмыстарының жүзеге асырылып жатқандығына тоқталып, Ауғанстанның ирандық мердігерлердің көмегімен жобаның үшінші бөлігін неғұрлым тезірек аяқтайтындығына үміт білдірді,.

Ауғанстан Темір жолдары компаниясының директоры Мұхаммад Яма Шамс та өз елінің Иранмен түрлі салалардағы әріптестіктеріне тоқталып: "Екі елдің  мәдени және тарихи ортақтастықтары негізінде екі ел ынтымақтастықтары аймақтың тұрақтылығы мен қауіпсіздігін арттыра алады" деді.