Иран АҚШ-тың Теһранға қарсы тағы санкция жариялауына байланысты шағым түсірді
Иран Ислам кеңесі Мәжілісінің төрағасы америкалықтардың "Ортақ қадам" жан-жақты бағдарламасын бұзуының анық жағдай екенін айтып: "АҚШ-тың жаңа санкцияларына байланысты ИИР "Ортақ қадам" бағдарламасының кеңесі мен ортақ комиссиясына шағым түсірді",- деді.
Иран Ислам кеңесі Мәжілісінің төрағасы Әли Лариджани сейсенбі күні Теһранның оңтүстігінде орналасқан Құм қаласында тілшілердің алдында "Ортақ қадам" бағдарламасын қадағалау комиссиясының Иранда өткен отырысына сілтеме жасап: "Иран америкалықтардың өз мақсаттарына қол жеткізуіне табандылықпен әрі орынды түрде кедергі жасайды.
Кейбір елдер ашық түрде АҚШ-тың Иранға қарсы әрекеттерінің "Ортақ қадам" жан-жақты бағдарламасын бұзу болып саналатынын мәлімдеді",- деді.
Лариджани америкалықтардың ядролық келісімнің жүзеге асуына кедергі жасауды көздеп отырғанына тоқталып: "АҚШ Конгресінің Иранға қарсы санкция салу туралы шешімі Ирандағы шетел инвестицияларының алдын алу үшін мақсатында қабылданды",- деді.
