Зариф: Барша АҚШ-тың бұзақылығына қарсы тұруы тиіс
Иран СІМ әртүрлі мемлекеттердің СІМ-леріне жолдаған хатында: "Халықаралық қауымдастық мүшелерінің әрқайсысы АҚШ-тың заңнан жалтаруы, бұзақылық айла-тәсілдері мен заңға көзжұмбайлық танытуына қарсы тұруы тиіс",- деп жазды.
Иран СІМ-нің дипломатиялық ақпарат тарату басқармасының жексенбі күнгі мәліметі бойынша, Иран СІМ-нің басқа мемлекеттермен АҚШ үкіметінің заңсыз әрі біржақты әрекеті, әсіресе оның "Ортақ қадамнан" шығуы туралы кеңесулерінің жалғасында ИИР СІМ Мұхаммад Джавад Зариф түрлі елдердің СІМ-леріне жолдаған хатында АҚШ әрекетінің қатерлі салдарына тоқталды.
Зариф АҚШ-тың "Ортақ қадам" бағдарламасынан шығуын бұл елдің "Ортақ қадам" және Қауіпсіздік кеңесінің №2231 қарарын бұзу мен әлсіретудегі талпыныстарының шарықтау шегі деп атап, "Ортақ қадамның" кез келген басқа халықаралық келісім секілді барлық тараптардың келісімі мен өзара міндеттемелеріне адалдық қағидасына бағынатындығына сілтеме жасап: "Бұл келісімнің ауқымы, ережелері мен мерзімдік шеңбері көпжақты нақты, әрі тең деңгейдегі келіссөздердің нәтижесі саналады. Бұл мәселелер жайлы өзгеріс енгізу немесе қайта келіссөз өткізу мүмкін емес",-деп баса айтты.
