Иран үкіметінің баспасөз хатшысы: Трампқа сенуге болмайды
Иран үкіметінің баспасөз хатшысы АҚШ Президенті мен Солтүстік Корея басшысының Сингапурдегі кездесуіне тоқталып: "Ұшағының ішінде Твиттердегі жазбасымен G7 саммитін тығырыққа тіреген АҚШ Президенті Дональд Трампқа сенуге болмайды",- деді.
Иран үкіметінің баспасөз хатшысы Мұхаммад Бақер Ноубахт сейсенбі күнгі ақпарат отырысында Трампты АҚШ халқының өкілі емес деп атап: "АҚШ халқы келесі сайлауда Трамптан еселерін алып, одан құтылады",- деді.
Ноубахт АҚШ "Ортақ қадам" жан-жақты бағдарламасынан шыққаннан кейінгі Иранның кеңесулері туралы: "Иранмен келісімге қатысқан алты мемлекеттің тек біреуі ғана, атап айтқанда АҚШ қана шықты, бірақ ядролық келісімге қол қойған басқа елдер "Ортақ қадам" жан-жақты бағдарламасын сақтап қалу туралы ұстаным білдіруде",- деді.
