Генерал-майор Салами: Иран үлкен шайқастарға, ауыр және ұзаққа созылатын қақтығыстарға дайын
ParsToday - Ислам революциясы Сақшылар корпусы бас қолбасшысының айтуынша, Иран қарулы күштері үлкен, ауқымды шайқастарға және ұлы державалардың қолдауына иелермен ауыр, тіпті ұзақ мерзімді қақтығыстарға дайын.
Ислам революциясы Сақшылар корпусының бас қолбасшысы генерал-майор Хұсейн Салами Сақшылар корпусы Аэроғарыш күштерінің зымырандық штабының жиынында: «Дұшпан Иран Ислам Республикасындағы саяси ерік-жігердің дұшпанның үстемдігі мен басқыншылығына қарсы тұру үшін шешуші, ағымдағы және кемел ерік екенін білуі керек»,- деді. ParsToday ақпарат агенттігінің хабарлауынша, Сардар Салами Иран ұлтының дұшпанның алдында құр қол емес екенін қуаттап: «Біз тәуелсіздігімізді, болмысымызды, беделімізді қорғау үшін жүйенің шекарасынан тыс ешбір күшке сүйенген емеспіз. Негізінен, біз елдің қорғанысын өзгелердің әрекетіне қарап реттеген жоқпыз. Өзіне сенім арту – стратегия деңгейінде де, операциялар деңгейінде де, тактика деңгейінде де біздің доктринамыздың қағидасы»,- деп баса айтты.
Ислам революциясы Сақшылар корпусының бас қолбасшысы «Шын уәде 1» және «Шын уәде 2» операцияларын Иран ұлтының ұлылығын көрсетудің шағын бөлігі деп атап: «Иранның зымырандары саны мен сапасы, шеберлігі мен дизайны бойынша күн сайын жаңартылып, артып келеді»,- деді.
