Иран мен Оман Сұлтандығы арасындағы ынтымақтастық туралы 18 құжатқа қол қойылды

ParsToday – ИИР Президенті Масуд Пезешкианның Оманға ресми сапары барысында екі елдің жоғары лауазымды тұлғалары арасында ынтымақтастық туралы 18 құжатқа қол қойылды.

ParsToday ақпарат агенттігінің IRNA-ға сілтеме жасап хабарлауы бойынша, бұл құжаттарға кеше, сейсенбі күні Иран мен Оман қайраткерлері Маскатта екіжақты ынтымақтастықты институттандыру және құқықтық, экономикалық, саяси, мәдени, білім беру, денсаулық сақтау, қорғаныс, ақпарат құралдары, технология, энергетика және тау-кен өнеркәсібі салаларындағы қарым-қатынастарды кеңейту мақсатында қол қойды.

Сондай-ақ осы рәсімнің аясында екі елдің мәдени және тарихи байланыстарының символы ретінде Иран Ислам Республикасы мен Оман Сұлтандығының ортақ естелік маркасы салтанатты түрде ашылды.

Иран президенті Масуд Пезешкиан сейсенбі күні Оман королі Хайсам бен Тариқ әл Саидтың ресми шақыруымен екі күндік сапармен Маскатқа келді.