Иран Ислам Республикасы Атом Қуаты Халықаралық Агенттігімен бұрынғыдай ынтымақтасады ма?
ParsToday - Иран Сыртқы істер министрлігі Құқық және халықаралық істер министрінің орынбасары: «Иран Ислам Республикасы бұдан былай бұрынғыдай Атом Қуаты Халықаралық Агенттігімен әріптестік жасамайды», -деді.
Иран Сыртқы істер министрлігінің құқықтық және халықаралық істер жөніндегі орынбасары Казем Ғарибабади сионистік режимнің Иранға қарсы шабуылдарының жалғасуы мен Теһранның осы басқыншылықтарға берген заңды жауабына қатысты: «Қауіпсіздік кеңесі басқыншылықты тоқтатпағанша немесе басқыншының өзі басқыншылық әрекеттерін тоқтатпағанша, халықаралық құқыққа сәйкес заңды қорғаныс рұқсат етіледі. Агрессорлық режим жасаған әрекеттердің заңды күші жоқ және ол әрекеттерін өзін-өзі қорғау деп айта алмайды. Бұл уәж сионистік режимнің Газадағы қылмыстары кезінде де көтерілді»,-деп мәлімдеді.
Иран Сыртқы істер министрлігінің Құқық және халықаралық істер жөніндегі орынбасары Агенттіктің инспекторлары әдеттегідей Иранда болуын жалғастырып жатқанда, бейбіт нысандарға жасалған шабуылдар алдында үнсіз қалудың қисынсыз екенін айтып: «Иран Ислам Республикасы бұдан былай Атом Қуаты Халықаралық Агенттігімен бұрынғыдай ынтымақтастық жасамайды»,- деді.
Израиль жиырма жылдан бері Иран ядролық қаруға ие болды деп мәлімдеп келеді
Иран Сыртқы істер министрінің орынбасары ядролық, химиялық және биологиялық қарулардың үш түрін қамтитын жаппай қырып-жою қаруды жоюға қатысты халықаралық келісімдердің ешқайсысына сионистік режим қол қоймағанына тоқталып: «Бұл режим осы келісімдердің ешқайсысына мүше емес, сонымен қатар қарудың барлық үш түріге, әсіресе ядролық қаруға ие. Жиырма жылдан астам уақыт бойы режим "Иран ядролық қаруға ие болуды көздеп отыр және оны кез келген уақытта жасай алады" деп мәлімдеді. Бірақ 25 жылдан кейін мұндай қарудың бар екендігі туралы ешқандай дәлел келтірілмеді. Бұл мәлімдемелер тек демагогия және осы режимнің қоғамдық пікірді бұрмалау мақсатындағы агрессивті және заңсыз әрекеттерін ақтау мақсатында жасалуда»,- деді.
Біріккен Ұлттар Ұйымы сионистік режимнің басқыншылығын тоқтату үшін қажетті шараларды қабылдауға міндетті
Иран Сыртқы істер министрінің орынбасары: «БҰҰ жарғысына сәйкес, басқыншылыққа тыйым салынған және ол айыпталады. Қауіпсіздік кеңесі мен БҰҰ мүшелері оны тоқтату үшін қажетті шараларды қабылдауға міндетті. Көптеген елдер, әсіресе Иранның көршілері сионистік режимнің Иранға қарсы соңғы агрессиясын қатаң айыптады»,- деп қосты.
Израиль режиміне қысым жасау үшін Халықаралық атом энергиясы агенттігінің мүмкіндіктерін пайдалану
Иран Сыртқы істер министрлігінің Құқық және халықаралық істер жөніндегі орынбасары: «Қауіпсіздік кеңесінің кең ауқымды мүшелері, оның ішінде тұрақты емес мүшелер, сондай-ақ екі тұрақты мүше Ресей мен Қытай Қауіпсіздік кеңесінің отырысында Израильдің Иранға қарсы агрессиясын айыптап, бұл қылмысты тезірек тоқтатуды талап етті. Сондай-ақ, Ресейдің өтініші бойынша, мәселені шешу үшін дүйсенбі күні Басқарушылар кеңесінің шұғыл отырысын өткізу және мәселені талқылау жоспарланған болатын; іс жүзінде агенттіктің мүмкіндігі режимге қысым көрсету үшін пайдаланылды».
Иран өзінің ұлттық мүдделері мен алаңдаушылықтарын ескере отырып шешім қабылдайды
Ғарибабади сионистік режимнің жуырда Иранның ядролық нысандарына жасаған шабуылының халықаралық құқықты ашық бұзатын әрекет екенін және АҚХА Бас конференциясы, Басқарушылар кеңесі және БҰҰ Қауіпсіздік кеңесінің қарарларына қайшы келетінін баса айтып былай деді: «Бұған дейін сионистік режим Ирактағы ғылыми-зерттеу реакторына шабуыл жасағаннан кейін бұл мәселе Басқарушылар кеңесі мен Қауіпсіздік кеңесінде көтеріліп, антисионистік қарарлардың шығарылуына әкеліп соқты, онда ядролық нысандарға шабуыл жасауға тыйым салынғаны қуатталды. Бұл әрекеттер көптеген қатерлер тудырады және шабуыл жасаушының заңды жауапкершілігіне әкеледі. Бұл қазіргі жағдайда да қайталанды. Иран Ислам Республикасы кейбір қарсы шараларды бастады және олар туралы Атом Қуаты Халықаралық Агенттігіне хабарланды. Шаралардың бірі - ядролық материалдар мен жабдықтарды көбірек қорғау.