Сионистік режим Сирияның Голан биіктіктеріне әуеден шабуыл жасады

Сионистік режим армиясының қырғи ұшақтары лаңкестік топтарды қолдау аясында Сирияның оңтүстігіндегі Голан биіктіктерін тағы да нысанаға алды.

France Press ақпарат агенттігінің хабарлауы бойынша, сионистік режимнің әуе күштері дүйсенбі күні басып алынған Голан аймағында тәкфиршіл лаңкестермен соғысып жатқан Сирия армиясының позицияларын нысанаға алды. Бұл шабуылдың ықтималды шығындары туралы мәлімет жарияланған жоқ.  

Өткен аптада да сионистік режимнің армиясы Сирияның оңтүстігінде әуе кеңістігін бұзды.  

Сирияда дағдарыс басталып, лаңкестік топтар аймақтағы кейбір араб елдерінің қолдауымен Сирияның әртүрлі аудандарына енгелі бері сионистік режим лаңкестермен соғысып жатқан Сирия армиясы мен Ливан Хезболласының позицияларын бірнеше рет бомбалады.

Бұл шабуылдарда осы күнге дейін бірқатар сириялық күштер мен Ливан Хезболласының әскерилері, соның ішінде аға қайраткерлер Мұстафа Бадруддин  мен Самир әл-Қантар шәһид болды.