БАӘ түрмелеріндегі 29 ирандыққа кешірім жасалды
Иран Сыртқы істер министрінің консулдық, мәжіліс және ирандықтар істері жөніндегі орынбасары БАӘ түрмелеріндегі 29 ирандыққа кешірім жасалғанын хабарлады.
Иран Сыртқы істер министрінің консулдық, мәжіліс және ирандықтар істері жөніндегі орынбасары Хасан Қашқави сәрсенбі күні: «ИИР-ның БАӘ-дегі өкілдігінің қадағалауымен 29 ирандық тұтқынға кешірім жасалды.
ИИР-ның БАӘ-дегі өкілдіктері ирандықтардың жағдайын қатаң түрде қадағалап, кез-келген орайлы жағдайда ирандық тұтқындарды босату туралы өтініш білдіруді өз күн тәртібіне қойып отыр.
Осы талпыныстардың нәтижесінде жыл сайын ирандық тұтқындардың бір бөлігі БАӘ сот органдары тарапынан кешіріледі. Осы 29 адам да солардың қатарында»,-деп баса айтты.
Бұл адамдардың көбісінің айыбы БАӘ-нің территориялық суларына заңсыз кіру болып табылады.
