Түркия Қырым түбегінің Ресейге қосылуын ресми түрде танымайды

Түркия СІМ осы ведомствоның сайтында жариялаған бір ресми мәлімдемесінде: «Қырым түбегінің Ресейге қосылуы – халықаралық заңдар мен құқықтарды ашық түрде бұзу. Түркия Қырым татарларын қолдауды жалғастырады»,-деп мәлімдеді.

Түркия СІМ Қырым автономды республикасының Ресейге қосылғанының үшінші жылдығында: «Қырым мәселесін шешу жолын табу үшін бір қисынды механизм дайындалуы тиіс. Соған дейін Түркия Қырымның аумақтық тұтастығы мен егемендігін сақтауды қолдап, бұл аймақтың өзгерістерін жіті қадағалайды. Түркия Қырым татарларының құқықтары мен мүдделерін қолдайды. Татарлар – осы түбектің негізгі иелері»,-деп мәлімдеді.