Саид әл-Шаһаби: Иран Бахрейннің ісіне араласпайды
Бахрейннің «әл-Ахрар» қозғалысының бас хатшысы ИИР-ның Бахрейндегі өзгерістерге еш қатысы жоқтығын баса айтып: «Халифе әулеті режимінің Бахрейн халқына қарсы соғыс жариялағанына ондаған жыл болды»,-деді.
Саид әл-Шаһаби сенбі күні Mehr ақпарат агенттігіне берген сұхбатында Халифе әулеті режимі басшыларының Иранның Бахрейннің ісіне араласатыны туралы уәждерін нағыз өтірік деп атады.
Бахрейннің «әл-Ахрар» қозғалысының бас хатшысы Халифе әулетін сырттан жалданған басқыншы режим деп атап: «Халифе әулетінің Бахрейн мен оның тарихына еш қатысы жоқ»,-деді.
Саид әл-Шаһаби бахрейндік көтерілісшілердің Халифе әулеті режимі тарапынан қамауға алынып, азапталатындығына тоқталып: «Бұл режимнің жауыздық әрекеттер жасауының басты мақсаты – Бахрейн халқы мен көтерілісшілерінің рухын мұқалту»,-деді.
Саид әл-Шаһаби АҚШ-ты Халифе әулеті режимінің басты демеушісі деп атап: «Америкалықтар аймақта Вашингтонның мақсаттарын орындайтын режимдердің билік басына келуін қалайды»,-деді.
