Йеменде Сауд Арабиясының ондаған жалдамалы күшінің көзі жойылды
Йемен армиясының Эль-Джауф облысында Сауд Арабиясының жалдамалы күштеріне жасаған шабуылы барысында ондаған жалдамалы күштің көзі жойылды.
Йеменнің «almasirah» телеарнасының хабарлауы бойынша, Йемен армиясы мен халықтық күштері бірнеше зымыранмен Йеменнің солтүстігінде Эль-Джауф облысындағы «Ғарық Нав» базасындағы Саудияның жалдамалы күштері жиналатын жерге шабуыл жасады. Соның нәтижесінде Сауд Арабиясының 25- тен астам жалдамалы күшінің көзі жойылып, ондаған адам да жараланды.
«Ғарық Нав» әскери базасы Саудия жалдамалы күштерінің ең маңызды базаларының біріне жатады.
Сондай- ақ йемендік күштер Йеменнің оңтүстігінде Эль-Бейда облысындағы Саудияның жалдамалы күштеріне шабуыл жасап, бірнешеуінің көзін жойды.
Йемен армиясы мен халықтық күштері Йеменнің оңтүстігінде Шабва облысының төңірегінде әл- Каида лаңкестерімен шайқасып, оларға көп адам шығынын келтірді.
