Йемен "Баркан-3" зымыранының тұсаукесер рәсімін өткізді
Йемен армиясының зымырандық бөлімшесі мен халықтық комитеттері "Баркан-3" баллистикалық зымыранының тұсаукесер рәсімін өткізді.
ISNA ақпарат агенттігінің хабарлауынша, Йемен Қарулы күштерінің ақпарат хатшысы Яхия Сари жұма күнгі баспасөз конференциясында: "Баркан-3" зымыраны ұзақ қашықтыққа арналған. Ол дұшпан жеріндегі маңызды азаматтық және әскери орталықтарды нысанаға ала алады",-деді.
Яхия Сари: "Зымырандық бөлімше ұзақ қашықтыққа арналған "Баркан-3" баллистикалық зымыранын Сауд Арабиясы жерінің орта шенінде орналасқан әл-Дамам елді мекеніндегі бір әскери нысанаға атты. Сынақ сәтті өтті",-деп қуаттады.
Генерал Яхия Сари: "Бұл баллистикалық зымыран – ұзақ қашықтыққа арналған "Баркан" түрінің үшінші буыны. Ол басқыншы елдердің кез келген жеріндегі нысаналарға шабуыл жасай алады",-деді.
