Израильдің жүрегінде дағдарыс туындады
ИИР СІМ-нің ақпарат хатшысы: "Сионистік режимнің жүрегіндегі дағдарыс оның Премьер-министрінің жүрегіндегі дағдарыстан тереңірек",-деді.
Израильдің БАҚ өкілдері жексенбі күні таңертең сионистік режимнің Премьер-министрі Беньямин Нетаньяхудың жүрегіне ота жасату үшін тағы да ауруханаға жатқызылғанын хабарлады.
Насер Канани Твиттердегі жеке парақшасында басып алынған жерлерде Нетаньяхудың сот реформасына қарсы өтіп жатқан шерулердің суретін жариялап: "Дәрігерлер сионистік режим Премьер-министрінің жүрегіне аппарат қойды деген хабар жетті. Алайда сионистік режимнің жүрегіндегі дағдарыстың Нетаньяхудың жүрегіндегі дағдарыстан тереңірек екені айқын",-деді.
Басып алынған жерлерде Нетаньяхудың сот реформасына қарсы шерулер өтіп жатқанына біраз болды. Израиль Кнессеті аталмыш заң жобасын бекітуді дүйсенбі күніне қалдырса да, сионистердің наразылығы түрлі аймақтарда, соның ішінде Тель-Авив, Хайфа мен Раананада жалғасып жатыр.
