Газаның бомбаланып жатқанына 28 күн болды
Палестина ақпарат құралдары Газаның бомбалануы салдарынан шәһид болған палестиналықтардың саны 9 мыңнан асты.
Iran Press ақпарат агенттігінің хабарлауынша, Палестинаның ақпарат құралдары жұма күні, "әл-Ақса дауылы" операциясының 28-ші күні: "Басқыншы режимнің қырғи ұшақтары Газа секторына әуе шабуылдарын жалғастырып жатыр. Соның салдарынан шәһид болған палестиналықтардың саны 9 мыңнан асты",-деп хабарлады.
Сионистік режимнің Газа секторының солтүстігіндегі Бейт-Лахия зиратын бомбалауы салдарынан 7 палестиналық шәһид болды.
Жұма күні таңертең сионистік режим әскерилерінің Иордан өзенінің батыс жағалауындағы әл-Фауар лагеріне шабуылы салдарынан екі палестиналық жігіт қаза тапты.
Газа секторының орталық бөлігіндегі әл-Мағази лагеріндегі бір үйге бомба түсіп, соның салдарынан 3 адам қаза тауып, бірнеше адам жараланды.
Медициналық ақпарат көздері: "Сионистік режимнің Иордан өзенінің батыс жағалауындағы Дженин лагеріне шабуылы салдарынан 5 палестиналық қаза тапты",-деп хабарлады.
Кеше кешке және бүгін таңертең Иордан өзенінің батыс жағалауында сионистік әскерилермен қақтығыста 8 палестиналық қаза тапты. Осы аймақта 7 қазанда "әл-Ақса дауылы" операциясы басталғалы бері 140 адам шәһид болды.
