Иракта ДАИШ тобының жүздеген мүшесі тұтқындалды

Фаллуджа қаласында ДАИШ тобының жүздеген мүшесі ирактық күштердің тұтқынына түсті.

Фаллуджаны азат ету амалдарының қолбасшысы генерал-майор Абдулуаһаб Ассаеди ирактық күштердің Ирактың батысындағы ал-Анбар облсының Фаллуджа қаласында ДАИШ лаңкестік тобының 1500-ден астам мүшесін тұтқындағанын хабарлады. Фаллуджаны азат ету амалдары мамыр айының 23-нен басталған. Ал-Анбар облысының екінші үлкен қаласы Фаллуджа Бағдадтың батысынан 50 км жерде орналасқан. Бұл қала ДАИШ лаңкестік тобы үшін стратегиялық маңызға ие.