Филадельфияда Трампқа қарсы шеру өтті

АҚШ Президенті Дональд Трамптың Филадельфия сапарына қатысты мыңдаған америкалық шеруге шығып, оның бұл қалаға сапармен келуіне наразылық білдірді.

NBC-дің мәліметінше, шерушілер бейсенбі күні Пенсильвания штатындағы Филадельфия қаласының кеңесінің алдында жиналып, Трамп пен республикашыл партиядан медициналық қызмет пен қоршаған ортаны қорғауды талап етті. Нарзылар ұрандатып,  Дональд Трамптың саясаттарына алаңдаушылық білдірді. Осы мәлімет бойынша шеруге «Обамакер» жобасының тоқтатылуына наразы дәрігерлер де қатысқан.

Қаңтардың 20-да Дональд Трамп АҚШ-тың жаңа президенті ретінде жұмысына кіріскеннен бері бұл елдің әртүрлі қалаларында оған қарсы ауқымды наразылықтар басталды.