Трамп мұсылмандарға қарсы тағы бір әрекет жасады
АҚШ-тың жаңа президенті Дональд Трамптың жұма күні қол қойған "Халықты шетелдік лаңкестердің Құрама штаттарына кіруінен қорғау" деп аталатын жарлығына сәйкес, "Құрама штаттарына зиян келтіреді" деп сипатталған елдердің азаматтарына виза беру 90 күнге тоқтатылды.
Бұл мерзім жарлықтың алғынұсқасында 30 күн болатын. Бұл жарлық кем дегенде 7 елдің, атап айтқанда, Иран, Ирак, Сирия, Йемен, Ливия, Судан мен Сомалидың азаматтарын қамтыды. Аталмыш жарлық сонымен қатар АҚШ-тың босқындарды қабылдау бағдарламасын 120 күнге шегеріп, босқындарды қабылдау мөлшерін 50 пайызға азайтады.
Трамп шын мәнінде өзінің мұсылмандардың АҚШ-қа кіруінің алдын алу туралы сайлауалды уәделерін жүзеге асыру жарлығына қол қойды. Оның адамдардың АҚШ-қа кіруінің алдын алу үшін келтіріп отырған сылтауы – бұл адамдардың лаңкестік әрекеттер жасау ықтималдылығы. Осы арада АҚШ-та соңғы бірнеше жылда орын алған лаңкестік әрекеттерде осы жеті елдің азаматтарының қатысы болды ма немесе осындай әрекеттер жасаған лаңкестердің АҚШ-ты қолдаушы елдердің азаматтары болмады ма деген сауал туындайды. Бұл мәселенің айқын мысалы, 2001 жылдың қыркүйек айының он бірі күнгі оқиғада, америкалық қауіпсіздік органдарының мойындауынша, 19 себепкердің 15-і Сауд Арабиясының азаматы болған. 2015 жылдың желтоқсан айының екісі күні Калифорнияның Сен-Бернардино лаңкестік оқиғасының себепкерлері пәкістандық ерлі-зайыпты болды. Сонымен қатар, 50 адамның қазасына себеп болған 2016 жылдың маусым айының он екісі күні орын алған Орландо лаңкестік шабуылының себепкері ұлты ауған америкалық азамат болды. Осылайша Трамптың осындай жарлық берудегі негізгі мақсаты лаңкестердің АҚШ-қа кіруінің алдын алудан бұрын бұл елмен қарым-қатынасы шиеленісіп тұрған елдердің азаматтарына қысым көрсету екені белгілі болды. Осы аяда бұл жарлық "лаңкестерді қолдаушы үкіметтер", АҚШ оларға қатысты төтенше жағдай орнатқан "тікелей қауіп-қатер төндіретін елдер", сонымен қатар, Ішкі қауіпсіздік министрлігінің "алаңдаушылық тудыратын елдер мен аймақтар" тізіміне іліккен елдер, яғни, жоғарыда аталып өткен жеті елге меңзеп отыр.
Еуропада жуырда орын алған лаңкестік оқиғалар Трамптың мұсылмандарға қарсы жобаларды жүзеге асыруы үшін қолайлы сылтау болған тәрізді. Трамп АҚШ-тың сайлауалды бәсекелестігі кезінде лаңкестікпен күрес сылтауымен мұсылмандардың елге кіруінің алдын алу қажет екенін мәлімдеді. Оның бұл сөздері АҚШ-тың іші мен шетелдерде ауқымды сын-пікірлер тудырды. Енді осы жарлыққа қол қойылғаннан кейін АҚШ мұсылмандары арасында Исламға қарсы кеңістік пен мұсылмандарға қарсы әрекеттердің артуына қатысты алаңдаушылықтар үдей түсті. Трамптың Ислам мен мұсылмандарға қарсы уәждері туралы айта кетер жайт, мұсылмандардың өте аз бөлігі әсірешіл және мұсылмандардың, әсіресе, АҚШ мұсылмандарының көп бөлігі осы әсірешіл адамдардың қатыгездік әрекеттеріне үзілді-кесілді қарсы. Осылайша мұсылмандардың жалпы санымен салыстырғанда мөлшері өте аз болып табылатын әсірешіл адамдардың қатыгездік әрекеттеріне байланысты барлық мұсылмандарды қаралап, оларға қарсы әділетсіз қатынас жасауға бола ма? Бұл әрекетте Трамп жарлыққа қол қою арқылы АҚШ пен одан тыс жерлердегі бір топ мұсылманды жазалау үшін барлық мұсылмандардың АҚШ-қа кіруіне тыйым салды.
