Трамптың мигранттарға қарсы саясаттарына наразылық білдірген ауқымды шаралар өтті
АҚШ үкіметінің мигранттарға қарсы ұлтшылдық саясаттарына ауқымды түрдегі наразылықтардың өтуімен бір мезгілде осы елдегі екі федералдық сот Дональд Трамптың бұйрығын орындауды шұғыл тоқтату туралы үкім шығарды.
Нью-Йорк пен Далласта шығарылған осы екі үкім бойынша, АҚШ жеріне заңды визамен кірген немесе тұрақты тұру картасы бар болса да, АҚШ-тың әуежайларында құрықталып немесе сергелдеңге түскен 7 ислам елінің азаматтарына АҚШ-ның жеріне кіруге рұқсат беріледі.
Трамптың кейбір ислам елдерінің азаматтарына бірнеше ай бойы АҚШ жеріне кіруге тыйым салу туралы соңғы бұйрығы шыққан соң 7 елдің, атап айтқанда Иран, Ирак, Сирия, Йемен, Сомали, Судан мен Ливияның 130 млн-нан астам мұсылман мен мұсылман емес азаматының АҚШ жеріне кіруіне уақытша тыйым салынған болатын.
Бұл шара қазіргі замандағы мигранттарға қарсы жасалған ең ірі әрі ең ауқымды тыйым деп аталды. Осы уақытқа дейін ешбір ел тек ұлтын сылтауратып осынша адамды қамтыған мұндай әрекетке барған емес.
АҚШ елі әртүрлі ұлттар мен ұлыстар мен діндердің өкілдерінің әлемнің түкпір-түкпірінен 400 жыл бойы келуінің арқасында қалыптасты. Бұған қарамастан АҚШ-тың қазіргі үкіметі басқа елдердің азаматтарының келуі тақырыбына қатысты кемсітушілік саясат ұстануды қолға алғанға ұқсайды. Бұл шара АҚШ үкіметінің ішкі-сыртқы міндеттемелеріне қайшы. Трамп бұйрығының орындалғанынан біреше сағат өткенде жүздеген адам ешбір дәлелсіз АҚШ-тың әуежайларында құрықталды.
Нью-Йорктың федералдық соттары мұндай қатынасты заңсыз деп атап, 7 ислам елінің азаматтарының елге кіруіне тыйым салу туралы жанжалды бұйрықты орындаудың уақытша тоқтатылуын талап етті.
Бұл үкімдермен АҚШ-тың әуежайларында қиындыққа ұшыраған жүздеген адамның мәселесі шешіледі. Бұған қарамастан, әлі АҚШ үкіметінің халықаралық міндеттемелерді бұзуы жалғасып жатыр. Бұл ел дүниежүзілік конвенциялар бойынша тиісті органдар тарапынан босқын деп табылған адамдарды қабылдауға міндетті. Ал осындай жағдайда Ақ үй әлемнің түкпір-түкпіріндегі осы елдің елшіліктері мен консулдықтарына барып виза ала алған адамдардың алдында заңды және моральды түрде жауапты.
Бұл адамдардың құқықтарын назарға алмау АҚШ үкіметінің осы адамдардың тағдырына немқұрайлы қарайтынын көрсетеді. Әрине, Трамп бұл шараларды АҚШ-тың қауіпсіздігін шетелдік лаңкестерден сақтау үшін қабылдағаны туралы уәж айтады. Бұған қарамастан аталмыш уәждің шындығына қатысты үлкен күдік-күман бар, соның ішінде АҚШ-тың тізімінде ДАИШ-ты қолдаушы елдердің болмауына тоқталуға болады.
Трамптың өткен аптада бастаған саясаты оның үкіметінің өз елінің әртүрлі тақырыптарға қатысты ішкі-сыртқы міндеттемелеріне көңіл аудармайтынын көрсетеді. Мысалы, АҚШ үкіметі The Trans-Pacific Partnership (TPP) 369
еркін сауда келісімінен біржақты негізде шығып кетті; 7 ислам елінің ондаған млн мұсылман және мұсылман емес азаматының АҚШ жеріне кіруіне тыйым салды.
Трамп, сондай-ақ, АҚШ-тың әлемдегі климаттық өзгерістермен күреске бағытталған ең негізгі ұйым – Париж климат конвенциясынан шығатынын айтып, қоқан-лоққы жасады. Мұндай шешімдер АҚШ халқының тағдырына ғана емес, әлемнің түкпір-түкпіріндегі миллиондаған адамның тағдырына кері әсерін тигізеді. Осы тұрғыдан АҚШ-тың жаңа үкіметі жұмысының әлем халықтарының осы елдің жаңа Президентіне қарсылық білдірген бұрын-соңды болмаған қозғалыспен басталғаны таңданыс тудырмайды.
