Трамп журналистердің салтанатты қонақасына қатысудан бас тартты
АҚШ президенті мен бұқаралық ақпарат құралдарымен жанжалдың жалғасында Дональд Трамп Ақ Үй журналистері ассоциациясының салтанатты қонақасына қатыспайтынын мәлімдеді.
Иран Телерадио бірлестігінің хабарлауы бойынша, АҚШ президенті Дональд Трамп сенбі күні өзінің Твиттердегі жеке парақшасында журналистер ассоциациясының биылғы салтанатты қонақасына қатыспайтынын жазды.
Дональд Трамптың бұл әрекетіне жауап ретінде журналистер тобы АҚШ президенті қатыспаса да өздерінің 2017 жылдың сәуір айының жиырма тоғызында өткізілетін салтанатты қонақасына қатысатындықтарын мәлімдеді.
Осы рәсімге қатысудан бас тартқан соңғы АҚШ президенті Рональд Рейгон болды.
Ақ Үйдің Ақпарат хатшысы Шон Спайсер Үкіметтің баспасөз отырысына кейбір тілшілердің қатысуына тыйым салудың себебін олардың жалған хабар таратуы деп атап: "АҚШ Үкіметі жалған ақпарат тарататын бұқаралық ақпарат құралдарымен күреседі",- деп мәлімдеді.
"Шекарасыз тілшілер" ұйымы да баспасөз бостандығы тізімі бойынша АҚШ-ның әлемдегі 180 мемлекеттің ішінде 41-ші орында тұрғанын хабарлады.
