Нэнси Пелоси: Трамп өз президенттігінің алғашқы айында маңызды іс атқарған жоқ
АҚШ-тың Өкілдер палатасындағы демократтар азшылығының басшысы Трамптың өз президенттігінің алғашқы айында ешбір маңызды іс атқармағанына тоқталып: «Ол халықтың назарын маңыздырақ мәселелерден алшақтату үшін тілшілер мен мигранттарға шабуыл сияқты аса маңызды емес істермен айналысты»,-деді.
ИИР Телерадио бірлестігі ақпарат агенттігінің хабарлауы бойынша, Нэнси Пелоси жексенбі күні кешке ABC телеарнасына берген сұхбатында: «АҚШ Президентінің жұмысшылар үшін ұсынар ешқандай жобасы жоқ, сондықтан тілшілер жайлы сөйлейді. Трамп өз халқы үшін ешқандай бағдарламаға ие болмағандықтан, үнемі мигранттар мен мұсылмандарды АҚШ-қа кіргізбеу туралы сөз қозғайды»,-деді.
«Вашингтон пост» басылымы да жексенбі күнгі өз мақаласында: «Дональд Трамп өз президенттігінің алғашқы айында Ақ үйде көбірек болудың орнына сауық-сайран құрды»,-деп жазды. Осы мәлімет бойынша, Трамп өз президенттігінің алғашқы айында 21 сағат уақытын ғана саясатпен айналысып, шетелдік басшылармен телефон арқылы сөйлесуге арнаған. Осы аралықта 25 сағаттан астам уақыт бойы гольф ойнаған.
