АҚШ республикашылдары Трамп ұсынған заң жобасын бекітуде сәтсіздікке ұшырады
АҚШ-ның Өкілдер палатасындағы демократтардың өкілі республикашылдардың осы ел президентінің Obamacare атты АҚШ-тағы денсаулық сақтау және емделушілерді қорғау реформасының күшін жою және оны ауыстыру туралы ұсынған заң жобасын бекітудегі сәтсіздігін АҚШ халқы үшін үлкен жеңіс деп атады.
Иран Телерадио бірлестігі агенттігінің хабарлауынша, АҚШ Өкілдер палатасындағы демократтар партиясы басшысының орынбасары Линда Санчез өз сөзінде: "Республикашылдар жеті жылдан бері АҚШ-тың бұрынғы президенті Барак Обама үкіметі кезінде қабылданған баршаға жаппай медициналық қызмет көрсету туралы заңды ауыстыруды көздеп отыр. Бірақ олар бүгін де сәтсіздікке ұшырады. Бұл америкалықтар үшін жаңа жеңіс болып табылады.
АҚШ халқы бүгін республикашылдарға ашық әрі түсінікті жолдау жасап: «Егер жаппай медициналық қызмет көрсету туралы заңның күшін жойып, миллиондаған адамнан бұл қызметтерді алу құқығын тартып алғыларың келсе, оның салдарынан туатын қатерге бастарыңмен жауап беруге дайын болыңдар",- деді.
АҚШ президенті Дональд Трамптың ұсынған бұл заң жобасы Федералды бюджет тапшылығына себеп болып, медициналық сақтандыруы жоқ азаматтардың санын да ұлғайта түспек.
Дональд Трамп өзі ұсынған бұл заң жобасын күн тәртібінен шығарып тастады. Себебі республикашылдардың бұл заң жобасын бекітудегі сәтсіздігі Трамптың жеңіліс тапқаны саналады.
