Трамп Махмұд Аббастың сионистік режиммен үйлесе әрекет етуін мадақтады
Сионистік режимнің палестиналықтарға қарсы заңсыз әрі адамгершілікке жат әрекеттерінің негізгі демеушілерінің бірі АҚШ Президенті Дональд Трамп Палестина автономды құрылымының басшысы Махмұд Аббаспен кездесуінде оны Израильмен үйлесе әрекет ететіні үшін мадақтады.
Al-Alam ақпарат арнасының хабарлауы бойынша, Махмұд Аббас сәрсенбі күні кешке Вашингтонда Дональд Трамппен кездесіп, Палестина халқының талабын назарға алмастан: «Палестина автономды құрылымы екі мемлекет құру жобасын қолдайды. Екі мемлекет құруға негізделген тәсіл лаңкестікпен күресуге көмектеседі»,-деді.
Трамп та бейбіт бітім келіссөздерінің қайта басталатындығына үміт білдіріп, Палестина автономды құрылымы мен Израиль қарулы күштері арасында қауіпсіздік саласында жасалған үйлестіру шараларына ризалық білдіріп: «Вашингтон палестиналықтармен Израильдің қауіпсіздігін кепілдендіретін келісім жасалуы үшін кез-келген шараны атқарады»,-деді.
