Иранның ядролық әрекеттері "Ортақ қадам" бағдарламасы шеңберінде ілгерілеуде
Маусым 03, 2017 15:33 Asia/Almaty
ИРИ-ның Атом қуаты халықаралық агенттігіндегі тұрақты өкілі Наджафи: "Атом қуаты халықаралық агенттігінің бас хатшысы Юкия Аманоның кезекті есебі Иранның барлық ядролық әрекеттерінің "Ортақ қадам" жан-жақты бағдарламасы аясында жүзеге асып жатқанын тағы растады",- деді.
Иран Телерадио бірлестігінің хабарлауынша, Реза Наджафи жұма күні кешке Атом қуаты халықаралық агенттігінің жаңа есебінің оның бұрынғы баяндамаларына ұқсас екендігіне тоқталып: "Наурыз айында жариялаған есепке тек техникалық өзгерістер туралы мәлімет қосылған.
Атом қуаты халықаралық агенттігінің жаңа есебінде бұл агенттіктің "Ортақ қадам" бағдарламасы жүзеге асқан күннен бастап Иранның ядролық саладағы әрекеттерін тексеріп, оларды бақылауды жалғастырып жақтаны баса айтылған",- деп мәлімдеді.
Атом қуаты халықаралық агенттігі жұма күні аяқталған маусымға қатысты Басқарма кеңесі мүшелеріне берген есебінде ИРИ-ның ядролық әрекеттерінің "Ортақ қадам" жан-жақты бағдарламасы атты Иран мен «алтылық» топ арасындағы келісім негізінде анықталған шектеулерге сәйкес болғанын тағы растады.
Тегтер
