Теһран Латын Америкасы елдерімен қарым-қатынастарды дамытуды қолдайды
ИИР Президенті Теһранның Латын Америкасы елдерімен ынтымақтастықтарын кеңейткісі келетінін қуаттап, Теһранның Латын Америкасы аймағы елдерімен жан-жақты қарым-қатынастарын дамытуды қуаттады.
Иран Телерадио бірлестігі ақпарат агенттігінің Нью-Йорктен хабарлауынша, БҰҰ Бас ассамблеясының 72-ші сессиясына қатысу үшін Нью-Йоркке келген Иран Президенті Хасан Рухани дүйсенбі күні боливиялық әріптесі Эво Моралеспен кездесуінде ортақ мақсаттарға жету үшін тәуелсіз елдердің ынтымақтастығын қажет деп: «Ислам республикасы Латын Америкасы аймағы елдерімен жан-жақты қарым-қатынастарын дамытуды қолдайды. Бұл елдер де Иранның достығы мен ынтымақтастығына арқа сүйей алады»,- деді.
Рухани екі елдің ынтымақтастық жобаларын талқылау мақсатында Иран мен Боливия экономикалық ынтымақтастық ортақ комиссиясының төртінші отырысының жылдам өтетіндігіне үміт білдіріп: «Иран мен Боливия Таяу Шығыс пен Латын Америкасында үлкен газ қорына ие елдер ретінде осы саладағы ынтымақтастықтарын кеңейте алады»,- деді.
Боливия Президенті Эво Моралес те кездесуде Руханиді елінде өтетін газ өндіруші елдер басшыларының саммитіне шақыруын қайталап: «Сіздің ОПЕК-тің саммитіне қатысуыңыз тәуелсіз достар бір-бірінің қасында деген маңызды жолдауды жеткізіп, Боливия-Иран ынтымақтастықтарының артуының белгісі дегенді білдіреді»,- деді.
