Вашингтон Украинаға қару жіберуге кірісті

АҚШ Мемлекеттік департаментінің ақпарат өкілі: "Америкалық компанияларға Украинаға жеңіл және кіші калибрлі қару-жарақтарды сатуға рұқсат берілді",- деп мәлімдеді.

Reuters ақпарат агенттігінің хабарлауы бойынша, АҚШ Мемлекеттік департаментінің ақпарат өкілі Хизер Нойерт сәрсенбі күні: "Мемлекеттік департамент Украинаға АҚШ-тан жеңіл қаруларды сатып алу үшін экспорт лицензиясын ұсынды",- деді.

Нойерт бұл лицензияның 50 калибрлі автоматты және жартылай автоматты қаруларды қамтитынын баса айтып: "Мұның алдында АҚШ үкіметі қару-жарақты Киев үкіметіне тікелей сатпағанымен,  Украинаға америкалық қару өндірушілерден қару сатып алуға рұқсат беретін.

АҚШ үкіметі Украинаның қолына қауіпті қорғаныстық қару-жарақтарды берген жоқ. Алайда бұл істің ықтималдығын теріске шығарып отырған жоқ",- деген уәж айтты.

Ресей АҚШ-тан Украинаға қару-жарақ пен әскери техникалар жіберу салдарынан атысты тоқтату бітімі бұзылып, бұл елдің шығысындағы жағдайдың шиеленісе түскені туралы бірнеше рет ескерту жасаған болатын.