Наджафи: Бейбіт мақсаттағы атом қуатын пайдалану – барлық елдердің құқығы
ИИР-ның АҚХА-дегі тұрақты өкілі атом бомбасына ие елдердің ядролық қаруларды таратпау сылтауымен басқа елдерге бейбіт мақсаттағы ядролық технологияны қолдануға кедергі жасауға қақысы жоқ екендігін 0қуаттады.
IRNA ақпарат агенттігінің хабарлауы бойынша, ИИР-ның АҚХА-дегі тұрақты өкілі Реза Наджафи сәрсенбі күні Женевада ядролық қарулардың таралуына тыйым салу хаттамасын қайта қарастыру конференциясын ұйымдастыру комитетінің екінші отырысының жалғасында сөйлеген сөзінде: «Бейбіт мақсаттағы атом қуатын дамыту және құрал-жабдықтар, шикізаттар, ядролық біліммен алмасуға толық қатысу құқығын сақтау – ядролық қарулардың таралуына тыйым салу хаттамасының (NPT) түбегейлі мақсаттарының бірі»,-деп қуаттады.
Наджафи кейбір мүше елдердің саяси мақсаттар негізінде басқа мүшелерге қарсы біржақты шектеу қоюға талпынып жатқанына қатты алаңдаушылық білдіріп: «NPT хаттамасының 4 бабында бейбіт мақсатта атом қуатын дамыту құқығының орындалуына кепілдік берілген. Бұл хаттаманың ешбір бабы мүше елдерді ажырағысыз құқықтарынан айыратындай сарапталмауы керек»,-деді.
