Раиси: Иран өзінің саяси өмірін ешбір күштің үстемдігімен реттемейді
ИИР Президенті ИИР-ның саясатының шығыстық та, батыстық та емес екенін және Иранның саяси өмірі мен істері үдерісін ешбір күштің үстемдігімен реттемейтінін мәлімдеді.
IRNA-ның хабарлауы бойынша, Ибрахим Раиси Нью-Йоркте БАҚ өкілдерімен өткен баспасөз мәслихатында: «Біз ешбір күштің билігінде болмаймыз және ешбір елді басқармаймыз»,- деп баса айтып: «Бүгінде адамзат қоғамы үстемшілдік пен әскери күш пен ақша үшін өзін қоғамға таңғысы келетін елдердің азабын тартуда»,- деді.
Раиси Иранның ядролық мәселесіне қатысты тағы бір сұраққа: «Қауіпсіздік істері шешілмесе және Иран Ислам Республикасына қауіп төнетін болса, талқыланып жатқан келісім тұрақты болмайды»,- деп жауап берді. Иран Президенті Иранның Шанхай Ынтымақтастық Ұйымына мүшелігі туралы сұраққа жауап беріп: «Иран Ислам Республикасы осы ұйымның мүмкіндіктерінен, әсіресе экономикалық және коммерциялық салаларда пайда көре алады»,- деді. Раиси Иранның Украинадағы соғысқа қатысты ұстанымына қатысты: «Соғыс аяқталуы керек, өйткені барлық дауларды келіссөздер арқылы шешуге болады»,- деп, Теһранның соғысушы тараптар арасында арағайындыққа дайын екенін мәлімдеді.
