Сионистердің палестиналық әйелдерге құрметсіздік көрсетуі айыпталды
Дүниежүзілік исламдық ояну ассамблеясы сионист әскерилердің палестиналық әйелдерге құрметсіздік көрсеткенінен кейін осы айуандық әрекетті айыптап, қарсыласу топтарынан сионистік режим толық жеңілгенге дейін талпыныстарын жалғастыра беруді сұрады.
Сионистік режим армиясының екі әйел әскери қызметкері әл-Халил қаласының 5 палестиналық әйеліне "Толық шешінбесе, итке талатамыз" деп қоқан-лоқы жасаған.
Иран Телерадио бірлестігі ақпарат агенттігінің жексенбі күні хабарлауынша, Дүниежүзілік исламдық ояну ассамблеясы өз мәлімдемесінде сионист әскерилердің палестиналық әйелдерге құрметсіздік көрсетуін Палестина халқының құқығын ашық түрде бұзу деп атап: "Жауаптылар осы қылмысқа қатысты қатаң жауап күте берсін",-деп еске салды.
Дүниежүзілік исламдық ояну ассамблеясы халықаралық қауымдастықтан, қарсыласу топтарынан, азаттықты талап етуші барлық мұсылмандар мен басқа да тұлғалардан залым сионистік режим толық жеңілгенге дейін және Палестинаның жапа шеккен халқы толық жеңіске жеткенге дейін ештеңеден аянбай, талпыныстарды жалғастыра беруді сұрады.
