Путин: АҚШ пен Батыс елдері Ресейді күйрету туралы ойдан арылуы тиіс
Ресей Президенті АҚШ пен Батыс елдеріне: "Ресейді күйрету туралы ойдан арылыңыздар",-деп ескертті.
Владимир Путин Ресейдің ұлттық жобалар және стратегиялық даму кеңесінің отырысында: "АҚШ пен Батыс елдеріне Ресейді күйрету ойынан арылатын кез келді",-деді.
Путин: "Біз өзімізді Америка құрлығынан, Солтүстік Америкадағы АҚШ пен Канададан алшақтатпайтынымызды ескертіп айтқым келеді. Егер Батыс елдері қаласа, Ресеймен әріптестіктен пайда ала алады",-деді.
2022 жылы ақпанда Ресей мен Украинаның қақтығысы басталғаннан кейін Батыс елдері Мәскеуді айыптап, оған экономикалық қысымдар жасап, Киевке жан-жақты саяси, қаржылай және қару-жарақпен қолдау көрсетуді күн тәртібіне қойды. Батыстың қолдауына қарамастан, Ресей Украина жерінің 20 пайызын басып алды.
