Бейжің Теһранның «Ортақ қадам» жан-жақты бағдарламасындағы прагматизмін қорғайды; Қытайдың Еуропаға баратын алғашқы контейнерлік пойызы Иран арқылы сапарын бастады
ParsToday – Қытайдың Атом энергиясы жөніндегі халықаралық агенттіктегі өкілі: «Біржақты келісім-шарт бойынша келісімнен шыққан ел өзінің тарихи жауапкершілігінен құтыла алмайды»,-деді.
Атом Қуаты Халықаралық Агенттіктегі Қытайдың тұрақты өкілі Ли Сун жұма күні АҚХА Басқарушылар кеңесінің тоқсан сайынғы отырысында БҰҰ Қауіпсіздік Кеңесінің «Ортақ қадам» жан-жақты бағдарламасын мақұлдайтын №2231 қарарына сілтеме жасап: «Осы келісімді жүзеге асырудың соңғы мерзіміне сегіз айдан аз уақыт қалды. Бұл мәселені дипломатиялық жолмен шешу үшін маңызды терезе. Иран өзінің ядролық бағдарламасының бейбітшіл сипатына бірнеше рет тоқталып, АҚХА-мен келіссөздер мен ынтымақтастықты қайта бастауға дайын екенін білдірді»,-деді. Қытайдың АҚХА-дегі өкілі сондай-ақ: «Біз АҚШ-тың ортақ келісімді жоюдың негізгі факторы ретінде тез арада практикалық қадамдар жасап, халықаралық дипломатиялық күш-жігерге оралып, Иранмен диалогқа түсуі керектігін баса айтамыз»,-деді.
Қытайдың Еуропаға баратын алғашқы контейнерлік пойызы Иран арқылы сапарын бастады
Қазақстан темір жолы Қытайдан Еуропаға жаңа контейнерлік тасымалдау қызметін іске қосу үшін Қытай теміржол контейнерлік тасымалдау компаниясымен ынтымақтастықтың басталғанын хабарлап: «Қытайдың алғашқы контейнерлік пойызы жақында Қытайдың Чэнду қаласынан Қазақстан теміржол желісі арқылы Польшаның Лодзь қаласына жолын бастайды. Пойыз Қазақстан, Түрікменстан, Иран және Түркия арқылы Польшаға жетеді деп жоспарланған»,- деп мәлімдеді.
Басқа жаңалықтар:
- «Иран-Қытай жас ғалымдар алмасу» бағдарламасының жаңа кезеңіне шақыру 2025 жылдың қаңтарында жарияланды, оның барысында 53 мүмкіндік таныстырылды.
- 8 наурызда Жапонияның Теһрандағы елшісі Цукада Тамаки Иранға қарсы санкция салуды әділетсіз деп атап: «Әлем Трамптың саясатына күмәнмен қарайды» деді.
- Канада Қытайда жасалған электр көліктері мен болат пен алюминий өнімдеріне баж салығын енгізгеннен кейін Бейжің сенбі күні Оттаваның кейбір ауылшаруашылық тауарларына да тарифтерін енгізу арқылы жауап берді.
- Солтүстік Корея сенбі күні ядролық сүңгуір қайықты таныстырды.
