Ресей: Кешірім сұрау – Түркияның алдындағы жалғыз жол
РФ Президентінің ақпарат өкілі: «Кешірім сұрау – Түркия үшін жалғыз шешім жолы»,-деді.
IRNA ақпарат агенттігінің хабарлауы бойынша, Кремльдің ақпарат өкілі Дмитрий Песков дүйсенбі күні: «Анкара Мәскеумен қарым-қатынасын қалыпты жағдайға келтіру үшін Ресейдің бомбалаушы ұшағын құлатқаны үшін ресми түрде кешірім сұрағаннан басқа амалы жоқ. Қарым-қатынасты қайта бастау Түркияның кешірім сұрап, Су-24 бомбалаушы ұшағын құлатқаны үшін өтемақы төлеген жағдайында мүмкін болмақ. Бұл салада басқа жол жоқ»,-деп қуаттады.
Песковтың бұл сөздері Ресейдің Түркия Премьер-министрі Бен Әли Йылдырым бастаған жаңа үкіметке айтқан бұрынғы ұстанымдарына табандылығынан хабар беріп, осы елдің Сыртқы істер министрі Моулуд Чавушоғлының Мәскеу мен Анкара арасындағы қарым-қатынасты қалыпты жағдайға келтіру үшін жұмыс комитетін құру мүмкіндігі жайында айтқан жуырдағы сөздеріне жауап ретінде айтылды.
