Ниасар Кашаннан 20 км жерде, Кашан Мешхед Ардехал күре жолының бойында орналасқан. Теһранмен арасы 230 шақырым. Бұл қалада тарихи ескерткіштер өте көп. Солардың арасынан Ниасардың «Чаһартағи» отқа табынушылар орны, Ниасар сарқырамасы, Сафави моншасы, Жерасты панасы, Ниасардың мыңжылдық шынарлары пен ғибадат ету орнын атауға болады. Мұның барлығы аталмыш өңір тарихының тереңнен басталатынын көрсетеді.

Имамзада Хұсейн бен Мұса әл Каземнің (ғ.) қасиетті кесенесі Оңтүстік Хорасан облысындағы Табас қаласында орналасқан. Хазірет Хұсейн бен Мұса әл Казем (ғ.) – хазірет имам Резаның (ғ.) інісі. Кейбір деректерге қарағанда бұл кесененің бастапқы ғимараты х.қ.ж.с.б. 5 ғасырда салынған.

Джушқан Қалы Кашаннан 60 км, Исфаханнан 90 км жерде орналасқан. Ауа райы жайлаудағыдай салқын бұл қала әлемнің ең ыстың жерлерінің біріне жақын орналасқан. Бұл осы өңірдің ғажайыптарының бірі саналады. Джушқан Қалының алқаптарынан жыл сайын 500 тонна мұхаммади гүлі алынады. Ауа райының қолайлы болуына байланысты мұхаммади гүлінің бұтақтары бұл жерде 60 күндей гүлдеп тұрады.

Қатрам – Йездтің Бафқ ауданындағы ауылдардың бірі. Ол қаланың оңтүстік-шығысынан 46 км жерде орналасқан. 5000 жылдық тарихы бар бұл ауыл "Қадрам" немесе "Қадром" деген аттармен де танымал.

Ағамир туристік мекені Шираздың Пасаргад қаласының тарихи аймағында орналасқан. Ол 100 жылдық тарихқа ие. Бұл мекен қабырғалары кірпіштен қаланған көне заманның әдемі тарихи сәулетіне ие жергілікті үйлерден тұрады.

Сирик – Иранның оңтүстігіндегі Хормозган облысында орналасқан аудандардың бірі. Бұл аудан тұрғындарының басты кәсібі – балық аулау, сауда-саттық, егін және мал шаруашылығы, сонымен қатар Парсы шығанағының оңтүстігінде орналасқан елдерге жұмыс істеу. Ауданда кең таралған қолөнер түрлері – "борға"-бетперде тігу, кесте тігу, алтын мен күміс жіптермен әрлеп тігу, шатыр тігу және себет тоқу.

Сирик айлағы Хормозган облысының шығысында орналасқан. Бұл – аумағы жөнінен Шәһид Раджаи айлағынан кейін облыстағы ең ірі айлақ. Онда туристік тартымдылықтар көп. Бұл осы ауданға туристердің келуіне себеп болып отыр. "Борға" – бетперде тігу, кесте тоқу, алтын және күміс жіптермен тігу, себет тоқу осы ауданның қолөнер түрлеріне жатады. Сондай-ақ, балық аулау – айлақтағы ер адамдардың басты кәсібі.

Джушқан Ғали қаласы Кашаннан 60 км, Исфаһаннан 90 км жерде орналасқан. Бұл қала жайлаудағыдай жайлы әрі салқын климатымен әлемдегі ең ыстық жерлердің біріне жақын орналасқан. Бұл осы аймақтың таңғажайып қасиеттерінің бірі саналады. Джушқан Ғалидің егіс алқаптарынан жылына 500 тонна Мұхаммади гүлі алынады. Ауа райының қолайлылығына байланысты Мұхаммади гүлінің бұтақтары 60 күнге дейін гүлдейді.

Джушқан – Кашанның оңтүстігіндегі Кәһруд тауының етегінде, Исфаханның солтүстік-батысынан 108 км жерде, Теһран-Исфахан күре жолына жақын жердегі Варғана тауындағы сайда орналасқан аймақ. Джушқан Иранда бағзы замандардан бері ең маңызды қалы кілем тоқу орталықтарының бірі саналады.

Ауа-райы жайлы Шадкам аулы Язд облысындағы Бафқ қаласынан 45 км жерде орналасқан. Бұл ауыл тар аңғардың ортасында орналасқан. Оның мөлдір бұлағы таулардан басталып, ауылдың ішінен ағады. Мыңжылдық балқарағай ағашы – аймақ тартымдылықтарының бірі. Ағаштың биіктігі 65 м, диаметрі 137 см, тәжінің биіктігі 6 м, диаметрі 10 м асады.