Ниасар сарқырамасы Кашанның солтүстік-батысынан 53 км жердегі Ниасар қаласында орналасқан. Исфахан облысындағы бұл қалада тарихи және туристік тартымдылықтар өте көп.

Карун‑4 бөгеті Чахармахал мен Бахтияри облысының Лордеган ауданында Шахркүрд қаласының оңтүстік‑батысынан 180 км қашықтықта орналасқан. Бұл бөгет Иранның ең ірі екі доғалы бетонды бөгеті және әлем бойынша СЭС‑ті сумен қамтамасыз ететін ең биік бесінші бөгет болып табылады.

Кашанның оңтүстігінен 10 км жердегі Дәрре ауылы 60 млн жыл бұрынғы теңіз асты жанартауынан түзілген таулардың ортасында орналасқан. Бұл оның тартымдылығын одан ары арттырып жіберді.

Жәннатабад қамалы Йезд облысындағы Бахабад елді мекенінен 12 км қашықтықта орналасқан. Ұзақ жылдар өтсе де, оның көп бөлігі аман сақталып қалған.

Чанқаб мұнарасы Исфахан облысындағы Ниасар қаласында орналасқан. Бұл мұнара – Қаджарлар заманынан қалған қорғаныс орны. Чанқаб мұнарасы 2006 жылы қайта жөндеу жұмыстары аяқталғаннан кейін туристер тамашалайтын жерге айналды.

Лемазан – Иранның оңтүстігіндегі Хормозган облысының Бандар-Ленге ауданындағы Мехран округінің орталығы. Бұл қала бір-біріне жақын ондаған үлкенді-кішілі ауылдардан тұрады.

Мехрпадин қамалы Йезд облысының Махриз ауданында орналасқан. Йезд облысының орталығынан 30 км жердегі бұл қамал 2 қорғаныс дуалы мен 9 дөңгелек мұнарадан тұрады.

Баһабад қаласы Йезд қаласынан 200 км қашықтықта орналасқан. Баһабад этнографиялық мұражайы 2007 жылы 815 метр аудандық Салехи үйінде ашылды. Салехи үйі – осы ауданда тіркелген тарихи үйлердің бірі. Ол Мәдени мұра ұйымы тарапынан сатып алынып, жөндеуден өткізілген.

Чахартағи – Кашанның батысынан 20 км қашықтықта орналасқан Ниасар қаласының тарихи ескерткіштерінің бірі. Бұл құрылыс Ниасардың сасанилік аташкадесі-отқа табыну орны деп те аталады. Чахартағи сияқты құрылыстардан жылдың төрт мезгілінің басталар сәтін көруге болады. Әр мезгілдің бірінші күнінде таң атар кезде осындай құрылыстардың бағандарының арасына белгілі бір бұрышта күн сәулесі түседі.

Имамзада сейіт Ғиаседдиннің кесенесі Махриздегі орталық мешіттің жанында орналасқан. Осы қаладағы ең әйгілі әрі салтанатты зиярат орны болып саналатын имамзада сейіт Ғиаседдин кесенесінің күмбезі биік әрі үлкен.