Хосейние айлағы Иранның оңтүстігіндегі Хормозган облысында орналасқан. Бұл өңірдің адамдары араб тілінде сөйлейді. Ауыл халқының кәсібі – балық, мал және егін шаруашылығы.

"Хатам Мешасы" орманы Мешгиншаһр қаласының оңтүстік-батысынан 30 км қашықтықта орналасқан. Бұл өңір биік ағаштарға толы. Солтүстіктегі ормандардың табиғаты сияқты бұл жердің де климаты құрғақ.

Хасине – Бандарланге аймағындағы кішкентай ауыл. Бұл ауыл Иранның оңтүстігіндегі Хормузган облысында орналасқан. Теңіз қолөнері – осы ауыл тұрғындарының көркем өнер түрінің бірі. Олар сақина, білезік, шамшырақ, перде, мүсін, суреттерді салып қоятын әртүрлі жиектемелер және басқа да әртүрлі нәрселерді қолдан жасап, оларды безендірумен айналысады.

Сиалк – Кашан қаласының оңтүстік-батысында орналасқан орталық Иран өркениетінің бірінші атауы. Кашанның Фин аймағында орналасқан Сиалк төбесінің шамамен 7 ғасыр тарихы бар. Бұл мекен негізінде саз пен қыштан қаланған ежелгі халықтың ғибадат мекені болған. Сиалк төбесінің қирауынан бірнеше адамның қаңқасы мен көне ыдыстар табылған. Бұл жерден табылған заттарды Францияның Лувр мұражайынан, Иранның ұлттық мұражайы мен «Фин» бағы және бұл мекеннің қасындағы мұражайлардан көруге болады.

Бафқ – Язд қаласының оңтүстік-шығысынан 110 км жерде орналасқан қала. Бұл қаланың ауа-райы шөлдің климатына байланысты жазда ыстық, қыста құрғақ әрі суық. Қаланың айналасындағы дала аймақтың табиғи тартымдылықтары саналады.

Меһдишаһр – кілем тоқу саласындағы Семнан облысының ең маңызды қалаларының бірі. Семнан провинциясындағы қолдан тоқитын кілемнің тарихы шамамен 150 жылдан басталады.

Мұхаммадабад Исфаһан қаласынан 65 км жердегі Шаһреза-Варзне жолында орналасқан. Бұл қаланың маңызды қолөнері "гиве"деп аталатын аяқкиім тігу саналады. "Гиве" – жазда аяққа кие салатын жеңіл әрі ұзақ жолға жайлы аяқкиім.

Тафто сарқырамасы Табас қаласынан 35 км жерде орналасқан. Оның биіктігі 8 метр. Өте әдемі сарқыраманың артында әк қанділдермен безендірілген ұңғыма бар.

Маһнешин таулары Табриздің солтүстік-шығысынан 25 км жерде Зәнджан облысында орналасқан. Тартымды төбелердің жергілікті атауы – "Аладағлар"-Алатаулар. Бұл таулар қызыл, қоңыр, жасыл, қызыл-сары, сары және ақ түсті болып келеді. Мұндай түстер алуан түрлі минералды заттардың шөгіндісінен пайда болған.

Табас қаласы Оңтүстік Хорасанда орналасқан. Бұл қаланың тұрғындары өнерге жақын. Табаста «қаламзани» өнері мыңдаған жылдардан бері атадан балаға мұраға өтіп, сақталып келеді. «Қаламзани» – металл бетіне, соның ішінде қалайы, мыс, алтын мен күмістің бетіне бедерлеп, өрнек салу өнері.