Уа, Алла! Осы күні маған Өзіңнің кең рақымыңды нәсіп ете гөр! Мені Өзіңнің жарық та жарқын дәлел-дәйектеріңе нұсқа. Маңдайымды Өзіңнің жан-жақты ризашылығың мен достығың және мейірімің жаққа бағытта, уа, армандаушылардың Арманы!

Уа, Алла! Осы күні маған жетімдерге мейірімділік көрсететін, аштарды тамақтандыратын, жомарттармен бірге отыратын мүмкіншілік бере гөр, уа, армандаушыларды паналатушы!

Уа, Алла! Осы күні маған ораза ұстап, ғибадат етуге көмектес. Менен қателік пен күнә және күмәндарды алыстат. Әр уақытта Сені еске алуға рұқсат етіп, табыс сыйла, уа, қателескендерді дұрыс жолға бағыттаушы.

Уа, Алла! Бұл айда күнәләрім үшін мені кішірейтпе, мені жазалама және Өзіңнің ашуыңнан алыстат.

Уа, Алла! Бұл айда мені Саған құлшылық етіп, тәубеге келушілердің қатарына қос. Бұл айда мені Өзіңе жақын құлдарың мен достарыңның арасына енгіз, уа, Рақымды және Мейірімді!

Уа, Алла! Бұл айда маған Өзіңнің бұйрық, нұсқауларыңды орындауға шыдамдылық бере гөр. Бұл айда Өзіңді еске алудың ләззатын беріп, маған берген нығметтерің үшін шүкір айтуды үйрет. Мені күнә жасаудан сақтай гөр, уа, бақылаушылардың ең сұңғыласы!

Уа, Алла! Сен мені жеңіске жақындат. Маған қырағылық пен сергектікті нәсіп ет. Ақылсыздық пен күмәннан алыстат. Береке, игілік және жақсылығыңды бере гөр, уа, жомарттардың жомарты!

Уа, Алла! Бұл айда мені Өз ризалығыңа жақындатып, ашуыңнан алыстат. Сонымен бұл айда Құран аяттарын оқуға мүмкіншілік бере гөр, уа, Мейірімді және Рақымды!

Уа, Алла! Бұл айдағы ораза, намазымды Өзің қабыл ететіндей шынайы ет. Мені бейқамдықтың ұйқыдан оятып, күнәләрымды кешір, уа, әлемдердің Жаратушысы! Жамандықтарымды кешір, уа, күнәларды Кешіруші!