Әйел, яғни Зейнаб (ғ.с.)

Алла Елшісі (с.ғ.с.) Зейнабты құшақтап, тәтті сәбиге махаббат пен сүйіспеншілікке толы көзімен қарап: «Алла Тағала бұл қызға Зейнаб деген есімді сайлады»,- деді.

Джамади аууал айының бесінші жұлдызы – ұлы тұлғаның туған күні. Оның тарихта болуы «әйел болуға» мағына берді. Бүгін хазірет Зейнабтың туған күні. Хазірет Зейнаб нұр мен білімнің екі теңізінің, хазірет Әли (ғ.с.) мен Фатима-Заһраның (ғ.с.) отбасында әлемге қадам басқан ұлгі әйел болды. Ол дін мен білімнің ортасында тәрбиеленді. Хазірет Зейнаб (ғ.с.) өзінің нұрлы ғұмырында батылдық пен сабырлықтың бейнесі, пәктіктің ұстазы болды. ИИР-да хазірет Зейнабтың (ғ.с.) туған күні «Медбикелер күні» аталды.

Алла Елшісі (с.ғ.с.) Зейнабты құшақтап, тәтті сәбиге махаббат пен сүйіспеншілікке толы көзімен қарап: «Алла Тағала бұл қызға Зейнаб деген есімді сайлады. Оны құрметтеңдер»,- деді. Зейнаб (ғ.с.) Алла Елшісінің (с.ғ.с.) үшінші немересі және хазірет Әли (ғ.с.)-мен Фатиманың (ғ.с.) бірінші қызы еді. Періштелер мен Жәбірейіл олардың үйіне қонаққа келетін. Хазірет Әли (ғ.с.) мен Фатиманың (ғ.с.) ыстық құшағында тәрбиеленген ол атасы Алла Елшісінен (с.ғ.с.) сансыз ізгі қасиеттерге ие болды. Бұл ұлы ханымның иманы берік, шешендігі, сопылығы, пәктігі, батылдығы айқын көрінеді.

Хазірет Зейнаб   атасы Алла Елшісінен (с.ғ.с.), әкесі имам Әлиден (ғ.с.) және анасы Фатима-Заһрадан (ғ.с.) хадистер рауаят ететін. Ал оның ағасы имам Хұсейн (ғ.с.) Зейнабты (ғ.с.) көрген сайын орнынан тұрып, құрмет көрсететін. Хазірет Зейнаб (ғ.с.) туралы оның бала кезінен білім мен ізгілік болғаны айтылады.

Бір күні хазірет Зейнаб әкесінің тізесіне отырып, ойнап отырған кезде, имам : «Алланы сүймеу мүмкін бе? Алланы сүймейтін, құлы болмаған адам адам емес»,- деді. Хазірет Зейнаб: «Бізді жақсы көрмейсіз бе?»- деп сұрады. Имам: «Адам баласын, әсіресе Алланың құлы болған баласын жақсы көрмеуі мүмкін емес»,- деді. Кішкентай қыз: «Екі махаббат жүрекке қалай сыйсын?!»- деп сұрақтарын жалғастырды. Осы кезде имам жауап бергісі келді, бірақ Зейнаб: «Егер  рұқсат етсеңіз, сұрағыма өзім жауап беремін»,- деді. Имам Әли (ғ.с.) күлімсіреп, қызының жауабын күтті. Хазірет Зейнаб: «Сіздің көзқарасыңыз бойынша, сіз тек Алланы және Аллаға тиесілі барлық нәрсені жақсы көресіз, сондықтан   бізді де Алланың қалауымен жақсы көрсең»,- деп айтты. Аллаға деген бұл терең ішкі білім Зейнабтың бала кезінен өмірінің соңына дейін көрінді. Хазірет Зейнабтың ғылыми дәрежелері мен жоғары кемелдігі,  уахи аяттарын тәпсір етуі, шариғатты білуі мен шешендігі оның Бани Хашем әулетінің дана ханымы дегенді білдіретін «Ақила Бани Хашем» лақаб атымен аталуына себеп болды.

Хазірет Зейнаб (ғ.с.) Құран аяттарының тәпсіршісі болған. Осыған орай, рауаяттарда хазірет Әли (ғ.с.) мен оның отбасының Куфада болғанына бір жыл өткені кезде, Куфа әйелдерінің хазірет Зейнабқа   келіп, оның оларға Құран тәпсіріне арналған отырыс өткізгені айтылады. Бұл туралы тарихта былай деп айтылды: «Бір топ Куфа ерлері хазірет Әлиге (ғ.с.) келіп: «Әйелдерімізге қызыңыз Зейнабқа келіп, одан діни ғылымдар мен Құран тәпсірін үйренуге рұқсат етіңіз»,- деп сұрады. Хазірет қабылдап, Ақила Бәни Хашем әйелдерге сабақ берді. Төрт жыл ішінде мұсылман әйелдері хазірет Зейнабтың сабақтарына қатысып, білімінен нәр алды. Хазірет Зейнаб: «Біз Пайғамбардың әулетіміз, Алланың үмметімен байланыс құралымыз. Біз Алланың таңдаған таза және қасиетті адамдарымыз. Біз дәлел және жол көрсетуші боламыз және илаһи пайғамбарлардың мұрагерлеріміз»,- деген болатын.

Бір күні хазірет Әли (ғ.с.) үйге кіріп, Зейнабтың әйелдерге Құранның кесілген әріптері туралы, әсіресе «Мәриям» сүресінің «Кәф Һә Иә ‘Айн Сад» бас әріптері туралы айтып жатқанын естіді. Сабақ біткен соң хазірет (ғ.с.) қызынан: «Әй, көзімнің нұры! Бұл әріптердің Кербала жерінде сенің және бауырың Хусейннің (ғ.с.) басынан өтетін оқиғалардың шифры және белгісі екенін білесің бе?»- деп сұрады. Содан соң Кербала оқиғасының кейбір жай-жапсарын Зейнабқа айтып берді. Имам Әли (ғ.с.) осы сөздермен Зейнептің сол азаптарға дайын ба, жоқ па екенін білгісі келді. Зейнаб әкесіне бұл оқиғалардың барлығынан хабардар екенін айтты, өйткені анасы Фатима-Заһра (ғ.с.) бұл мәселелерден хабардар етті. Иә! Зейнаб (ғ.с.) – Кербала оқиғасы және одан кейін сабыр мен батылдықтың көрінісі. Ол Язидтің масқара патшалығына қарсы батылдығын көрсетті. Ұйқылыларды тәрбиелеп, адамзаттық дәрежеде тарихты ояту.  

Әйелдер бүгінде көптеген мәселелермен бетпе-бет келеді және әйелге дұрыс жолды табу қиын болуы мүмкін. Батыс мәдениеті әйелдерді көңілді ойыншықтың өлшеміне дейін кішірейтіп, әйелдерге қарапайым да аспаптық көзқараспен қарайтын, олар оны тек капризді ерлердің қызметіндегі жаратылыс ретінде көретіндей болған кезде, әйел өзінің шынайы қадір-қасиетін қалай сақтай алады?  Басқа жағынан, әйелдердің қоғамда дені сау болуына кедергі келтіретін біржақты пікірлер бар. Хиджаб қиын салаларда болу үшін кедергі емес. Әйелдің сұлулығы – оның қарапайымдылығы. Ғылым мен білім, әйелдің асқақтығы мен сүйіспеншілігі  отбасын махаббат пен махаббатқа толтырады.

Бүгінде Ислам қоғамының әйелдері хазірет Зейнабтың  мінез-құлқы мен ізгі қасиеттеріне еліктеу арқылы әйелдер қоғамының абыройы мен мақтанышына жол таба алады. Ислам тарихындағы ең маңызды сәттердің бірінде бұл асыл ханым құрбандық және батылдық арқылы бүкіл Исламның алдында тұрған қауіпті жоя білді. Әйелдер білім алып, дарындарын ашып, Аллаға иман келтіру жолына түсу арқылы   кемелдікке жетеді.

Хазірет Зейнабтың (ғ.с.) туған күнімен және «Медбикелер күнімен» баршаны, әсіресе мейірімді де жанашыр медбикелерді құттықтаймыз.