Сүлеймани мектебі 3: Қарсыласу осі

Шәһид Сүлейманидің суреті Батыс Азияның маңызды аймағындағы ықпалды тұлға ретінде Time және Newsweek журналдарының бірінші бетінде орналастырылды. Ең бастысы Ислам революциясы Сақшылар корпусы Құдс күштерінің қолбасшысы оны жақсы көретін ондаған миллион адамның жүрегінде болды.

Шәһид Сүлейманидің суреті Батыс Азияның маңызды аймағындағы ықпалды тұлға ретінде Time және Newsweek журналдарының бірінші бетінде орналастырылды.  Ең бастысы Ислам революциясы Сақшылар корпусы Құдс күштерінің қолбасшысы оны жақсы көретін ондаған миллион адамның жүрегінде болды.

Құдс күштері – 1369 (1990) жылы аятолла Хаменеидің бұйрығымен құрылған Ислам революциясы Сақшылар корпусының бөлімшелерінің бірі. Ислам революциясының жеңісінен кейінгі жылдар ішінде бұл күш іс жүзінде Иран Ислам Республикасы үшін қорғаныс және қауіпсіздік тежеу ​​рөлін атқарды. Құдс күштері имам Хомейнидің (р.а.) осы идеясы негізінде құрылды: «Бүгінде Шығыс пен Батыс оларды сахнадан алып тастай алатын жалғыз күш – Ислам екенін жақсы біледі. Шенеуніктер біздің революциямыз тек Иранмен шектелмейтінін білуі керек. Иран халқының революциясы Хазіреті Ходжжат туының астындағы Ислам әлемінің ұлы революциясының бастау нүктесі болып табылады, Алла тағала барша мұсылмандар мен әлемді жарылқап, оның келбетін қазіргі заманда орналастырсын». Имам Хомейнидің (р.а.) пікірінше, мұны жүзеге асыру әлемдегі исламдық сарбаздардың ауқымды жұмылдырылуын қажет етеді.

Осы ойды танытатын жинақтардың бірі ретінде қасиетті кесенелер қорғаушыларын қарастырған жөн. Шәһид Сардар Хадж Қасым Сүлеймани жаһандық көзқараспен ДАИШ лаңкестік тобының қылмыстық әрекеттеріне қарсы тұру үшін қасиетті жерді қорғаушыларды іске қосты. Сардар шәһидтің ДАИШ-пен күресудегі жобалау және жоспарлау әдісі оның және серіктерінің қасиетті қорғаныс жылдарындағы шайқас майдандарындағы тәжірибелеріне негізделген. Ол Иранның Саддамның БААС режимінің әскери шабуылына қарсы сегіз жылдық қасиетті қорғаныс тәжірибесін езілген халықтарды залымдардан қорғауға лайықты үлгі деп санап, былай деді: «Егер халық әділетсіздікке ұшырап, оған теңсіз шабуыл жасалса, оның абыройы мен намысын қорғап, жеңіспен қорғағысы келсе, басынан өткерген жеңіс әдісі – осы қасиетті қорғаныс әдісі». Бұл талапта ол аймақ елдері халқының исламға негізделген қорғанысын меңзеп, Иран ұлтының қасиетті қорғанысын үлгі ету арқылы оның бүгінгі өз қоғамындағы әсерін көріп отыр.

Шәһид Қасым Сүлейманидің басқаруы мен әдептілігінің нәтижесі қарсыласу осінің қалыптасуы болды. Бұл майдан «Хизболла», «Хашд аш-Шааби», «Фатемиюн», «Зейнабиюн», «Хейдарюн», «Ансаруллаһ» және т.б. сияқты түрлі қарулы топтардан құрылған. Иран, Ирак, Сирия, Ливан, Ауғанстан және Пәкістанның әртүрлі елдерінен күштер хазірет Зейнап (ғ.с.) қасиетті жерін қорғау және Ислам үшін жұмылдырылды. АҚШ бастаған кейбір батыс елдерінің қолдауымен Исламды жамандап, мұсылмандардың қанын төгу үшін құрылған ДАИШ-ке шабуыл жасалды. Сондықтан бүгінде олардың билік ету орны болуы тиіс Сирия мен Ирак елдерінде бұл лаңкестік топтың іздерін азырақ көре аламыз.  

Сүлеймани мектебінде билік тек Аллаға тиесілі. Ол Алланың уәделерінің міндетті түрде орындалатынына сенді. Ол қауіптерді мүмкіндіктер деп санады және қауіп-қатерлердің негізінде жатқан мүмкіндіктер мүмкіндіктердің өзінде табылмайды деп сенген. Сондықтан Сирия барысында саяси топтар мен Әл-Жазира сияқты халықаралық ақпарат құралдары Дамасктың жақын арада құлауы туралы айтқан кезде, шәһид Сүлеймани сырттай көрініп тұрғанға қарамастан, Америка, сионистік режим және аймақтың араб үкіметтері бөліскен фитна мен үлкен қастандық шеңберін бұзуға болады деп сенді. Шәһид Сүлеймани алаңға осы мақсатпен кіріп, жағдайды өзгертті. Араға 4 жыл салып, сол саяси орталар мен БАҚ Сирияның тұрақтануын айтып, қарсыласу майданының қарсыластарының жеңілгенін мойындады.

Оның батылдығын достары да, жаулары да білетін. Дүниеде ержүрек адамдар аз емес, бірақ Сардарды ерекше етіп, ел жадында қалдырған – осы ерлігін Алла үшін және оның діни сенімі үшін жұмсауы. Жүректын сардары шәһид болу шекарасына талай рет барды. Бірақ қай кезде де батылдықпен, дана пәрменімен жаудың әлсіздігін, дәрменсіздігін көрсете білді. Сол жылдары Сардарға қатысты сайтта былай делінген: «Әбу Бәкір әл-Бағдади, жұма намаздарыңызда Қасым Сүлейманиді алып, иорданиялық ұшқыш сияқты торға салып, өртеп жібереміз деп айтқан күні мен халықтың үшінші қатарында сіздің алдыңызда отырғанбын».

Көп ұзамай Сирияда жасақталған тәкфиршіл лаңкестік топтар ел аумағының 70 пайызын басып алып, Иракқа да жетіп, Бағдадқа дейін жетті. Сардар Сүлеймани қарсыласу күштерінің көмегімен қорғаныс осіән кеңейтті. Енді ол ДАИШ-тің Ирактағы езілген және қысым көрген халқына көмекке асығуы керек еді. Ол өзінің Иракта болу себебін былайша баяндайды: «Біз Ирак халқын қорғау үшін кірген кезде,  Иран мен Ирактың мүдделерін ешқашан ажыратқан емеспіз. Біз Ирак халқының мүддесін өз мүддеміз деп білдік, олар жеңіске жетуі, азат болуы, тәуелсіздік алуы керек дедік, сондықтан біздің басты мүддеміз осы мәселелер. Ирак пен Сирияға көрсеткен көмегіміз осылай көрінеді және біз ешқандай пайда іздеген жоқпыз».

Ол қауіпті де күйзеліске толы жұмысты өзі жасау үшін туғандай болды. Иракта генерал шәһид Сүлеймани Амерли, Жүрф әл-Сахар, Самарра, Фаллуджа және әл-Анбар аудандары сияқты маңызды операцияларда белсенді болды. Бадр корпусының қолбасшысы Хади әл-Амиридің айтуынша, ДАИШ Сардар есімінен қорқады. Ол Сардар Сүлеймани тірі кезінде берген сұхбатында: «ДАИШ-тің ақпарат құралдарына қарасаңыз, тәкфиршілердің бұл батыр күрескерден қаншалықты қорқатынын түсінесіз»,- деді.

ДАИШ-тің Сардардан қорқуы айтатын жағдай. Ирактың Күрдістан аймағының бұрынғы басшысы Масуд Барзани өз естеліктерінде ДАИШ-тің Эрбил қақпасына жеткенін және АҚШ, Түркия, Англия, Франция және тіпті Сауд Арабиясының елшіліктерін көмекке шақырғанын айтады. Бірақ олардың ешқайсысы көмектеспеді. Оның айтуынша, бізге көмекке келген жалғыз адам – 50 арнайы жасақпен келген Қасым Сүлеймани. Ол тез арада жанжал болған жерге барған. Пешмерга күштерін ұйымдастырып, бірнеше сағаттың ішінде оралды.  

Қажы Қасым Палестинаның езілген халқын ешқашан ұмытқан емес. Ол палестиналық жауынгерлерді қолдауымен сионистік режимге қарсы халықтың қарсыласуын күрестің жаңа кезеңіне әкелді. Ол Газаның қарсыласу нысандарын күшейтіп, оны нығайта алды. Хадж Қасым Газадағы қарсыласу топтарын ажыратпады. Барлығына сионистік ортақ дұшпанға қарсы тұру үшін көмек көрсеті. Құдс есімі Сардардың өмірінде басты рөл атқарды. Шәһид генерал Хаж Қасым қасиетті қорғаныс кезінде екі батальонға қолбасшылық еткен алғашқы операцияның аты Тарик әл-Құдс болды. Соғыстан кейін оған шығыс шекаралардағы зұлымдықтармен күресу үшін Құдс лагерін басқару міндеті жүктелді. 1378 (1999) жылы Құдс корпусының қолбасшысы болды.