Pars Today

Алла Тағала аспандарды жаратып, періштелерді өзіне ғибадат етуді бұйырды, жетінші аспаннан орын тағайындады және оның гүлденуі періштелер мен көктегі адамдардың ғибадатына байланысты болды.

Алла Тағала жетінші аспанның бұл бұрышын Бәйт әл-Мамор, яғни әрқашан тіршілігі мол, берекелі үй деп атаған.  Адам ата жаратылғанда періштелер алдында құлшылық етіп, Алланың әмірімен барлық көктегілер оның соңынан ерді. Тек  шайтан ғана өзін хазірет Адамнан жоғары санап, тәкаппарлықтан Алланың бұйрығына бағынбады. Ол хазірет Адамды және оның перзенттерін тура жолдан тайдыруға және оларды  Аллаға құлшылық етіп, Оны мадақтаудан бас тарттыруға ант етті. Ақыры шайтанның айла-амалдары іске асып, хазірет Адам  Аллаға құлшылық ететін жәннаттан қуылып, жер бетінде мекен етті.

Адам (ғ.с.) Бәйтул-Маморды еске алып, құлдарының ғибадатының арқасында әрқашан берекелі болуы үшін, жер бетіне үй салды. Хазірет Адам баласының арасында келіспеушілік пайда болды.  Бұл жолы шайтан әкелерін Алланың ғибадат үйі – Бәйтул-Мамордан қуғанындай, адамдарды да Алланың үйінен қуғысы келді. Ол Алланың үйінің өркендеуінен қорқып, кейде оны қиратып, ұмыттыруға, ал кейде оған пұттарды қойып, таухидті пұтқа табынушылықмен алмастыруға тырысқан.

Хазірет Нұх (ғ.с.) шайтанмен тоғыз жүз жыл соғысып, адамдарды жалғыз Аллаға құлшылық етуге шақырған алғашқы пайғамбар, бірақ оған аз ғана топ қосылды. Нұх (ғ.с.) күнәһарлардың табандылығы мен қыңырлығы туралы Аллаға шағымданғанда, аспаннан жаңбыр жауып, жер алғашқы күндегідей теңіздің түбіне батып, күнәһарлардың барлығын жұтып қойды. Азап біткенде, жер тазарып, теңіздің  түбінен қайта көтеріліп, әділдерді орналастырды.

Бірақ шайтан тағы да қылмыстарынан бас тартпады. Ол Адам баласын алдау үшін Алладан қиямет күніне дейін мұрсат алған болатын. Бұл жолы Алла Тағала хазірет Ибраһимге (ғ.с.) адамдарды тура жол көрсетуді тапсырды. Ол Алланың үйі Қағбаны бірқұдайшылдар үшін қауіпсіз және тыныш орын болуы үшін қайта тұрғызды. Сол күннен бастап осы уақытқа дейін Қағба талай шарықтаулар мен құлдырауларды көрді.  Осынау шарықтаулар мен құлдыраулардың бәрінде хазірет Ибрахимнің ұрпағынан Қағбаның досы әрі көмекшісі болған және шайтанның қастандықтарына қарсы күресте оны серік еткен қамқоршылар болды.

Адамдардың пұтқа табынуының азабынан Қағба күйзеліп, ақырында залым көрген адам Алладан шипа сұраған күндердің бірінде Алла Тағала Қағбаның дұғасын қабыл етіп, Ибраһимнің перзенттерінің ұрпағы Мұхаммад (с.ғ.с.) атты перзентін жер бетіне жіберді.

Жылдар бойы Қағба Мұхаммадтың (с.ғ.с.) ұлылығына куә болды. Хазірет Мұхаммад (с.ғ.с.) барда бүкіл жер мен көк Қағбаны айналып тұрғандай болды. Оның бар болуымен Қағба барлық азаптарын ұмытты, енді Мұхаммадтың (с.ғ.с.) жалғыздығы оны азаптады. Хазірет Мұхаммад (с.ғ.с.) отыз жасқа толғанда, бұл жалғыздықтың тоқтайтын уақыты келді. Қағба Мұхаммадтың (с.ғ.с.) досы, жанкүйері болатын баланың дүниеге келуін күтті. Ақырында уәде етілген күн де ​​келіп жетті, яғни раджаб айының 13-ші күні  Хашим әулетінің  әйелі өз дертімен Қағбаны пана тұтып, Аллаға: «Уа, Алла!  Саған және өзін жіберген пайғамбарларыңа, түсірген кітаптарыңа иман келтірдім.  Қағбаны салған бабам Ибраһимнің (ғ.с.) сөзін растаймын. Демек, мына үйдің  және оны салған адамның құқығымен,  құрсағымда жатқан, менімен сөйлесетін осы баланың құқығымен оның дүниеге келуін маған жеңіл етуіңді сұраймын»,- деп тіленді. Фатима бент Асад бұл сөздерді айтқан кезде жәннат есіктері ашылғандай болды, Қағба оған қарай Бәйтул-Мамордан періштелердің ағылғанын көрді.  Періштелерден бұрын оған қарай Исаның (ғ.с.) анасы Мәриям мен Перғауынның әйелі Әсия келе жатты. Қағба құшағын ашып, Фатиманы  ішіне кіруге шақырды. Фатима ішке кірді, Қағбаның қабырғасы жабылып, үш күн бойы Қағбаға ешкімді кіргізбеді. Фатима бент Асад пен оның баласының алдында қабырғасын ашқан Қағба енді басқаларға есігін ашуға да дайын емес еді.

Үш күн бойы бүкіл Мекке тұрғындары Фатиманың оқиғасын бір-біріне айтып, Фатима оқиғасының соңын білу үшін Қағбаның есіктерінен көз алмады. Бірақ тағы да есіктің орнына қабырға ашылды, бірақ бұл жолы Фатима жалғыз емес еді. Халық оның ұлы Әлимен бірге Қағбадан шыққанын бәрі көрді. Ол құндақтағы сәбиді құшағына басып: «Уа, халайық, Алла Тағала мені таңдап, менен бұрын таңдалған әйелдерге ізгілік сыйлағанын біліңдер. Өйткені мен оның таңдаған үйінде бала тудым. Сол құрметті үйде үш күн болып, жәннаттың жемістері мен тағамдарын жедім. Шыққым келгенде... «Уа, Фатима! Бұл асыл балаға «Әли» деген ат қой. Оны жаратып, әділдігім мен құдіретімнен толық игілігін бергенім рас. Ол менің құрметті үйімде дүниеге келген және менің үйімнің төбесінде азан айтатын бірінші адам. Ол пұттарды қиратып, Қағбаның үстінен лақтырады. Ол мені ұлылықпен еске алады»,- деген дауыс естідім. Қағба Алланың барлық уәделерін естіп, оның барлық дертіне шипа Мұхаммад (с.ғ.с.) пен Әлидің (ғ.с.) қолында екенін білді. Олар бір-біріне қосылып, қиямет күніне дейін бір-бірінен ешқашан ажырамайды. Қағбаның бұл уәделерін орындауға деген құлшынысы мен құштарлығын сөзбен айтып жеткізу мүмкін емес еді, өйткені ол бұдан былай шайтанның қол-аяғы бұрынғыдан да байланған болатынын білген.

Әли (ғ.с.) – Алланың шақыруымен Қағбада  дүниеге келген  жалғыз адам. Оған дейін де, одан кейін де ешкімде мұндай мүмкіндік берілмеген. Ол Адам, Нұх, Ибраһим, Мұса, Иса және Мұхаммадтың (с.ғ.с.) мұрагері. Қағба Мұхаммадтың (с.ғ.с.) бауыры  әрі мұрагері әлемге көзін ашқан, сол тамаша күнді ешқашан ұмытпайды. Жыл сайын хазірет Әлидің (ғ.с.) туған күнінде Фатима бент Асад пен оның асыл перзентін еске алу үшін Қағба ғасырлар бұрын ашылған жерінен құшағын қайта ашады. Жыл сайын сол тамаша күннің маңызды оқиғасын адамдардың жадында қайта жаңғырту үшін Қағбаның қабырғасы қайта жарылады.

Осы күні Қағбаның толғанысы мен ынта-ықыласына бөленсек екен, толғаныстың маңыздылығын түсініп, Алланың жаратқан ең жақсысына онымен бірге жүрегіміздің қабырғасын ашсақ екен.   Жыл сайын Әли (ғ.с.) үшін ғарыштан түсетін періштелерді көретіндей жүрегіміз соншалықты күшті болмаса да, Әлидің (ғ.с.) махаббатынан құр қалмағанына шүкір.

Хазірет Әлидің (ғ.с.) туған күні құтты болсын!