Армия әуе күштерінің «Рухани жетекшінің жолында жандарын қиюшылардың әуедегі күш-қуаты» атты әскери жаттығуы жалғасуда
ИИР армиясы әуе күштерінің Иранның орталық бөлігінде «Рухани жетекшінің жолында жандарын қиюшылардың әуедегі күш-қуаты» атты әскери жаттығу аясында дұшпанның химиялық қаруына қарсы тұру амалдарының сәтті аяқталғанын хабарлады.
IRNA ақпарат агенттігінің хабарлауы бойынша, «Рухани жетекшінің жолында жандарын қиюшылардың әуедегі күш-қуаты» атты әскери жаттығудың ақпарат хатшысы бригада генералы ұшқыш Масуд Рузхуш: «Бүгін, сейсенбі «Рухани жетекшінің жолында жандарын қиюшылардың әуедегі күш-қуаты» атты алты күндік әскери жаттығудың екінші күні Иран армиясы әуе күштерінің жаңа заман соғысы салаларында мамандандырылған бригадалары болжамды дұшпанның химиялық қаруына қарсы шықты»,-деді.
Бригада генералы ұшқыш Рузхуш әскери жаттығудың осы кезеңінде әдеттен тыс қарулардың түрімен жасалған шабуылдарға төтеп беруге жаттығу болатынын айтып: «Ластануды жою, ескерту жасау, анықтап айқындауға арналған әртүрлі кешендер, қорғау шатырлары, өмір сүру күркелері мен камуфляждің жаңа түрі қолданылып жатыр»,-деді.
Сонымен қатар, Иран армиясы әуе күштерінің электронды соғыс жаттығуы мен дамыған коммуникациялық кешен түрлерінің жаттығуы жоғары деңгейде сәтті өтті.
Бригада генералы ұшқыш Рузхуш: «Әскери жаттығудың осы кезеңінде ИИР армиясының қарулы күштері «Фалкон-50» электронды соғыс ұшақтарын қолданумен болжамды дұшпан күштерінің радарлық түсірілімдерін жою амалдарын жақсы орындады»,-деп қуаттады.
