Сақшылар корпусы - аймақтағы ең мықты күш
Ислам революциясы Сақшылар корпусының бас қолбасшысы бұл күштердің бүгінде аймақтың қауіпсіздігін қорғау шеңберінде Парсы Шығанағындағы ең мықты әрі тәжірибелі күш екендігін қуаттады.
ИРНА-ның хабарлауы бойынша, Ислам революциясы Сақшылар корпусының бас қолбасшысы дивизия басшысы, сардар Мұхаммад Әли Джафари сәрсенбі күні Теһранда осы органның теңіз күші студенттерінің алғашқы оқу жылының ашылу рәсімінде сөз сөйлеп, Парсы Шығанағы аймағы қауіпсіздігінің маңыздылығының осы күштің қоқан-лоққыларға тосқауыл қою үшін әрдайым дайын болуына себеп болып отырғанын айтты.
Ислам революциясы сақшылар корпусының бас қолбасшысы осы күштің маңызды да үлкен міндетіне тоқталып: «Ислам революциясының Сақшылар корпусына қарасты теңіз күшінің соғыс кезінде және Америкамен шайқас сахнасында негізі қаланып, қасиетті қорғаныс кезеңінен кейін Парсы Шығанағы мен Ормұз бұғазында теңіз шайқасында белсенді құзырға ие болды» деді.
Дивизия басшысы Джафари ислам революциясының негізгі ұраны мен өзегін үстем жүйе мен әлемдік үстемшілдерге тосқауыл қою деп атап, осы уақытқа дейін дұшпандардың барлық жоспарларының залалсыздандырылғанын баса айтып: «Сақшылар корпусының бүгінгі әлеуетін қасиетті қорғаныс кезеңіндегі жағдаймен салыстыруға болмайды. Біздің күштердің әлеуетін бүгінде соғыстың соңғы жылындағы әлеуеттен кем дегенде он есе артық деуге болады» деді.
