Еуропа Одағы Иранмен ынтымақтастықты кеңейтуге талпыныс жасауда
Еуропа Одағының сыртқы саясат жетекшісі осы одақтың Иранмен байланысты тереңдетуге ынта танытып отырғанын хабарлады.
«Тасним» ақпарат агенттігінің хабарлауынша, Еуропа Одағының сыртқы саясат жетекшісі Федерика Могерини Әзірбайжан республикасының «Тренд» ақпарат агенттігіне берген сұхбатында «Ортақ қадам» жан- жақты бағдарламасының ядролық қаруларды таратпау үшін маңызы зор екендігін баса айтып, Еуропа Одағының Иранмен екі жақты әріптестікті қайтадан бастап отырғанын қуаттады.
Могерини сондай-ақ жуықта Брюссельде Иран Сыртқы істер министрі Мұхаммад Джавад Зарифпен кездескенін тілге тиек етіп, Еуропа Одағының кейбір қайраткерлерімен жақында Иран астанасы Теһранға сапар шегуді мақсат етіп отырғанын айтты.
Могеринидің айтуынша, сауда, энергия, қоршаған орта, иммиграция Еуропа Одағының Иранмен ынтымақтастығын ұлғайту үшін ынта танытып отырған кейбір тақырыптардың қатарына жатады.
