Иранның оңтүстігінде армия мен ислам революциясы Сақшылар корпусының бірлескен жаттығуы басталды
"Велаят аспанын қорғаушылар-7" атты ИИР армиясы мен ислам революциясы Сақшылар корпусының бірлескен жаттығуы Иранның оңтүстік, оңтүстік-батыс және оңтүстік- шығыс аймақтарында басталды.
ИРНА-ның хабарлауынша, "Велаят аспанын қорғаушылар-7" жаттығуының ақпарат хатшысы бригада генералы Фарадж Пураламдари: «Осы жаттығудың алғашқы кезеңінде қорғаныс аймақтарының тактикалық тәуелсіздігі, Иран ислам республикасы армиясының түрлі жергілікті құрылғылар мен жаңа қорғаныс кешендерін қолданудағы шеберлігінің деңгейін жоғарылату мен бірыңғай ету сыналып, сарапқа салынды.
"Велаят аспанын қорғаушылар-7" жаттығуы "Уа, Бәни Хашемнің айы!" деген кілт сөзбен Иран армиясы, ислам революциясы Сақшылар корпусы және Иранның өзге қарулы күштерінің әуе қорғаныс бөлімшелірінің операциялық күштері арасында үйлесімділік орнату мақсатында өтеді.
Бүгінде түрлі құрылғылар мен жабдықтарды, соның ішінде радарлық, зымырандық, артиллериялық, коммуникациялық құрылғыларды жедел ауыстыру Иран армиясының "Хатам ул-Әнбия" әуе қорғаныс базасы қолбасшылығының қадағалауымен аз уақыттың ішінде іске асып, қарулы күштердің тактикалық ауысуында жаңа рекорд тіркелді» деді.
