Лариджани: Лаңкестікті қолдайтындар Трамптың виза беруді шектеу тізіміне енгізілмеген
Иран Ислам Кеңесі Мәжілісінің төрағасы Францияның Сыртқы істер министрімен кездесуінде: «Лаңкестікке қолдау көрсететін елдер АҚШ Президенті Трамптың виза беруді шектеу тізіміне енгізілмеген»,-деді.
Иран Телерадио бірлестігі ақпарат агенттігінің сәрсенбі күнгі хабарлауы бойынша, Иран Ислам Кеңесі Мәжілісінің төрағасы Әли Лариджани сейсенбі күні Теһранда Францияның Сыртқы істер министрі Жан-Марк Эромен кездесіп, тіпті АҚШ Президентінің сөздерінен кейін де Иранның «Ортақ қадам» жан-жақты бағдарламасына берік екенін айтып: «Осы бағдарлама бойынша АҚШ тарапынан атқарылуы тиіс болған ірі елдер арасында банктік қатынас орнату сияқты кейбір шаралар жүзеге асырылған жоқ. Иран мен Франция арасындағы сауда қарым-қатынасының деңгейі артып келеді. ИИР осы байланыстарды ғылым және мәдениет салаларында да кеңейтуді қалайды»,-деп мәлімдеді.
Францияның Сыртқы істер министрі Жан-Марк Эро да «Ортақ қадам» жан-жақты бағдарламасынан кейін Иран мен Франция арасындағы тауар айналымының 200 пайызға өскенін айтып, осы бағдарламаның баптары барлық тараптар арқылы, соның ішінде АҚШ тарапынан сақталынатындығына үміт білдірді.
Эро АҚШ-тың жаңа үкіметінің кейбір елдердің азаматтарына виза беруге тыйым салу туралы шарасына алаңдаушылық білдіріп: «Бұл шара бейберекеттік туындап, мигранттардың құқықтарының бұзылуына себеп болады»,-деп баса айтты.
