АҚШ-тың еркін күрес командасы Иранға келді

АҚШ-тың командасы еркін күрестен өтетін әлемдік біріншілікке қатысу үшін дүйсенбі күні кешке Керманшах қаласына келді.

ИРНА-ның хабарлауынша, АҚШ-тың еркін күрес командасының бас жаттықтырушысы Бил Задик Керманшахқа кірген кезінде: "АҚШ палуандары қаһарман атануы үшін ирандық палуандармен бәсекелесетін болады" деді.

Задик Иранның әлемдік біріншіліктің өткен кезеңінде қаһарман болғанына тоқталып: "Иран командасының еркін күрестен ең мықты палуандары бар. Бұл құрама әлемдік біріншілікке қатысып отырған ең мықты команда саналады" деді.

Еркін күрестен әлем біріншілігі әлемнің ең мықты алты елінің қатысуымен ақпан айының он алтысы-он жетісі күндері Керманшахтың имам Хомейни атындағы стадионында өтетін болады.