Иран Президенті өз елінің футбол командасын Ресейде өтетін әлем чемпионатына өтуімен құттықтады
Иран Президенті Хасан Рухани Твиттердегі жолдауында өз елінің футбол командасын Ресейде өтетін әлем чемпионатына өтуімен құттықтады.
ИРНА-ның мәліметі бойынша, Хасан Рухани Твиттердегі жолдауында: «Иранның футбол командасының 2018-шы жылы Ресейде өтетін әлемдік чемпионатқа өтуі барлық ирандықтарды қуандырды»,- деп жазды.
ФИФА Иранды Өзбекстанды жеңуі мен Иранның ұлттық командасының 2018-ші жылғы әлем чемпионатына өтуімен құттықтады. ФИФА Твиттердегі парақшасында ирандық футболшыларды әлем чемпионатына өтуімен құттықтап: «Иран Бразилия мен 2018 жылы әлем чемпионатын өткізетін Ресейге қосылды»,- деп жазды. Иранның ұлттық командасы дүйсенбі күні Өзбекстанның ұлттық командасын 2:0 нәтижемен жеңіп, Азия аймағы командаларының бірінші тобынан әлем чемпионатына жол тапты.
